“ಎಲ್ಲರೂ ಒಟ್ಟಿಗೆಕುಳಿತು ಸಿನಿಮಾ ನೋಡುವಂತಾಗಲಿ….’ – ಹೀಗೆ ಹೇಳಿ ಪಕ್ಕದಲ್ಲಿದ್ದ ನಾಯಕ ನಟ ಸಂತೋಷ್‌ ಆರ್ಯನ್‌ ಬೆನ್ನುತಟ್ಟಿದರು ಪುನೀತ್‌ರಾಜ್‌ ಕುಮಾರ್‌. ಅದಕ್ಕೆಕಾರಣ “ಡಿಯರ್‌ ಸತ್ಯ’. ಸಂತೋಷ್‌ ಆರ್ಯನ್‌ ನಾಯಕರಾಗಿ ನಟಿಸಿರುವ “ಡಿಯರ್‌ ಸತ್ಯ’ ಚಿತ್ರದ ಆಡಿಯೋ ಇತ್ತೀಚೆಗೆ ಬಿಡುಗಡೆಯಾಗಿದೆ. ಪುನೀತ್‌ ರಾಜ್‌ ಕುಮಾರ್‌ ಚಿತ್ರದ ಆಡಿಯೋ ಬಿಡುಗಡೆ ಮಾಡಿ ಶುಭಕೋರಿದರು.
ನಿರ್ಮಾಪಕರಲ್ಲೊಬ್ಬರಾದ ಯತೀಶ್‌ ನನ್ನ ತಮ್ಮನಿದ್ದಂತೆ. ಇಡೀ ತಂಡಕ್ಕೆ ಒಳ್ಳೆಯದಾಗಲಿ ಎಂದರು ಪುನೀತ್‌. ಶಿವಗಣೇಶನ್‌ ನಿರ್ದೇಶನಲ್ಲಿಮೂಡಿಬಂದಿರುವ ಈ ಸಿನಿಮಾಕ್ಕೆ ಗಣೇಶ್‌ ಪಾಪಣ್ಣ, ರಾಕ್‌ಲೈನ್‌ ವೆಂಕಟೇಶ್‌ ಪುತ್ರ ಯತೀಶ್‌ ವೆಂಕಟೇಶ್‌, ಶ್ರೀನಿವಾಸ್‌ ಮತ್ತು ಅಜಯ್‌ ರಾವ್‌ ಬಂಡವಾಳ ಹೂಡಿ ಸಿನಿಮಾ ನಿರ್ಮಾಣ ಮಾಡಿದ್ದಾರೆ. ಕಾರ್ಯಕ್ರಮದಲ್ಲಿ ಹಾಜರಿದ್ದ ವಿಜಯ ರಾಘವೇಂದ್ರಕೂಡಾ ಚಿತ್ರಕ್ಕೆ ಶುಭಕೋರಿದರು.
ಇದನ್ನೂ ಓದಿ : ಹೊಸ ವರ್ಷಕ್ಕೆ ಕಸ್ತೂರಿ ಮಹಲ್ ಟೀಸರ್‌
ನಾಯಕ ಸಂತೋಷ್‌ ಅವರಿಗೆ ಈ ಚಿತ್ರದ ಮೇಲೆ ನಿರೀಕ್ಷೆ ಹೆಚ್ಚಿದೆ. ಪಕ್ಕಾ ಫ್ಯಾಮಿಲಿ ಆಡಿಯನ್ಸ್‌ಗೆ ಈ ಸಿನಿಮಾ ಇಷ್ಟವಾಗಲಿದೆ ಎಂಬನಂಬಿಕೆ ಅವರದು. ನಾಯಕಿ ಅರ್ಚನಾಕೊಟ್ಟಿಗೆ ಕೂಡಾ ಚಿತ್ರದ ಬಗ್ಗೆ ಮಾತನಾಡಿದರು.
ಚಿತ್ರಕ್ಕೆ ಶ್ರೀಧರ್‌ ಸಂಭ್ರಮ್ ಸಂಗೀತ ನೀಡಿದ್ದಾರೆ. ಈ ಚಿತ್ರದ ಹಾಡಿನ ಮೂಲಕ 2021ಕ್ಕೆ ಒಳ್ಳೆಯದಾಗುವ ವಿಶ್ವಾಸ ಅವರದು. ಚಿತ್ರದಲ್ಲಿ ಐದು ಹಾಡುಗಳಿವೆ. ಶ್ವೇತಾ, ಅನುರಾಧಾ ಭಟ್, ಅನಿರುದ್ಧ ಶಾಸ್ತ್ರಿ, ಹೇಮಂತ್‌,ವಿಹಾನ್‌ ಹಾಡುಗಳಿಗೆ ಧ್ವನಿನೀಡಿದ್ದಾರೆ. ಚಿತ್ರದಲ್ಲಿ ಅರುಣಾ ಬಾಲರಾಜ್‌, ಅಶ್ವಿ‌ನ್‌ ರಾವ್‌ ಪಲ್ಲಕ್ಕಿ, ಅರವಿಂದ್‌ ರಾವ್‌, ಅಪ್ಪಣ್ಣ, ಗುರುರಾಜ್‌, ಆದರ್ಶ್‌ಚಂದ್ರಶೇಖರ್‌ ನಟಿಸಿದ್ದಾರೆ. ಚಿತ್ರಕ್ಕೆ ವಿನೋದಭಾರತಿ ಛಾಯಾಗ್ರಹಣ, ಮೋಹನ್‌ ನೃತ್ಯ, ಸುರೇಶ್‌ ಆರ್ಮುಗಮ್‌ ಸಂಕಲನವಿದೆ.
