ಹುಣ್ಸೆಮಕ್ಕಿ : ಕುಂದಾಪುರ ತಾಲೂಕಿನ ಹೊಂಬಾಡಿ ಮಂಡಾಡಿ ಅಂಗನವಾಡಿ ಕೇಂದ್ರಕ್ಕೆ ಉಡುಪಿ ಜಿಲ್ಲಾಧಿಕಾರಿ ಜಿ.ಜಗದೀಶ್‌ ಜ.23 ರಂದು ಭೇಟಿ ನೀಡಿ ಪುಟಾಣಿಗಳೊಂದಿಗೆ ಸಂವಾದ ನಡೆಸಿದರು.
ಈ ಸಂದರ್ಭದಲ್ಲಿ ಉಡುಪಿ ಜಿಲ್ಲಾಧಿಕಾರಿ ಜಿ.ಜಗದೀಶ್‌ ಅವರು ಅಂಗನವಾಡಿ ಪುಟಾಣಿಗಳೊಂದಿಗೆ ಕುಳಿತು ಅವರೊಂದಿಗೆ ಬೆರೆತು ಅವರ ಚಟುವಟಿಕೆಗಳನ್ನು ಅತ್ಯಂತ ಸನಿಹದಿಂದ ಆಲಿಸುವ ಮೂಲಕ ಇಂಗ್ಲೀಷ್‌ ಹಾಗೂ ಕನ್ನಡ ಅಕ್ಷರ ಮಾಲೆಗಳ ಬಗ್ಗೆ ಪುಟಾಣಿಗಳಲ್ಲಿ ಆಲಿಸಿ, ನಂತರ ಅಂಗನವಾಡಿ ಕೇಂದ್ರ ದಾಖಲಾತಿ ಹಾಗೂ ಇಲ್ಲಿನ ಆಹಾರ ತಯಾರಿಕಾ ಕೊಠಡಿಯನ್ನು ವೀಕ್ಷಿಸಿದರು.
ಗ್ರಾ.ಪಂ. ಕಛೇರಿಗೂ ಭೇಟಿ : ಇಲ್ಲಿನ ಹೊಂಬಾಡಿ ಮಂಡಾಡಿ ಗ್ರಾಮ ಪಂಚಾಯತ್‌ ಕಛೇರಿಗೆ ಭೇಟಿ ನೀಡಿ ಸಕಾಲದ ಕಾರ್ಯವೈಖರಿಯನ್ನು ಪರಿಶೀಲಿಸಿದರು. ಈ ಸಂದರ್ಭದಲ್ಲಿ ಕಂದಾಯ ಅಧಿಕಾರಿ ಭರತ್‌ ವಿ.ಶೆಟ್ಟಿ , ಗ್ರಾಮ ಲೆಕ್ಕಿಗ ಆನಂದ ಡಿ.ಎಂ., ಪ್ರಕಾಶ್‌ ಸುವರ್ಣ, ಅಂಗನವಾಡಿ ಕಾರ್ಯಕರ್ತೆ ನರ್ಮದಾ ಹಾಗೂ ವಿವಿಧ ಇಲಾಖಾ ಅಧಿಕಾರಿಗಳು ಉಪಸ್ಥಿತರಿದ್ದರು.
