ವಿಜಯರಾಘವೇಂದ್ರ ಮೇಲೆ ದಯಾಳ್‌ಗೆ ಬೇಸರ

ದಯಾಳ್‌ ಪದ್ಮನಾಭ್‌ ನಿರ್ದೇಶನದ “ಟಾಸ್‌’ ಚಿತ್ರ ರಿಲೀಸ್‌ಗೆ ರೆಡಿಯಾಗಿದೆ. ಆದರೆ, ಚಿತ್ರದ ಪ್ರಚಾರ ಕಾರ್ಯಕ್ಕೆ ನಾಯಕ ವಿಜಯರಾಘವೇಂದ್ರ ಬಾರದೆ, ಯಾವುದೇ ಪ್ರತಿಕ್ರಿಯೆ ನೀಡುತ್ತಿಲ್ಲ ಎಂದು ನಿರ್ದೇಶಕ ದಯಾಳ್‌ ಬೇಸರ ವ್ಯಕ್ತಪಡಿಸಿದ್ದಾರೆ. “ಟಾಸ್‌’ ಚಿತ್ರ ಮುಗಿದು ಬಹಳ ದಿನಗಳೇ ಆಗಿದೆ.

ಆದರೆ, ಕಾರಣಾಂತರದಿಂದ ಬಿಡುಗಡೆ ತಡವಾಗಿದೆ. ಈಗ ಚಿತ್ರ ಬಿಡುಗಡೆಗೆ ತಯಾರಿ ಮಾಡಿಕೊಂಡಿದ್ದರೂ, ವಿಜಯರಾಘವೇಂದ್ರ ಮಾತ್ರ, ಪ್ರಚಾರ ಕಾರ್ಯಕ್ಕೆ ಬರುತ್ತಿಲ್ಲ. ಅಷ್ಟೇ ಅಲ್ಲ, ಅವರಿಗೆ ಅನೇಕ ಸಲ ಫೋನ್‌ ಮಾಡಿದರೂ ಸರಿಯಾಗಿ ಸ್ಪಂದಿಸುತ್ತಿಲ್ಲ. ಸಂದೇಶ ಕಳುಹಿಸಿದರೂ, ಮರು ಉತ್ತರವನ್ನೂ ಕೊಡುತ್ತಿಲ್ಲ.

ಅವರು ಯಾಕೆ ಹೀಗೆ ಮಾಡುತ್ತಿದ್ದಾರೆ ಎಂಬುದು ನನಗೆ ತಿಳಿದಿಲ್ಲ. ಚಿತ್ರ ಲೇಟ್‌ ಆಗಿದ್ದಕ್ಕೆ ಅವರಿಗೆ ಬೇಸರವಿರಬಹುದೇನೋ, ಆದರೆ, ನಮಗೆ ಯಾವುದಕ್ಕೂ ಉತ್ತರ ಕೊಡದೆ, ಮೌನವಾದರೆ ಗೊತ್ತಾಗುವುದಾದರೂ ಹೇಗೆ. ಅವರು, ಪ್ರಚಾರಕ್ಕೆ ಬರಲಿ, ಬಿಡಲಿ ಚಿತ್ರವನ್ನು ನಾನು ರಿಲೀಸ್‌ ಮಾಡ್ತೀನಿ.

ನಾವಿಬ್ಬರು ಚೆನ್ನಾಗಿಯೇ ಇದ್ದೇವೆ. ಆದರೆ, ಯಾಕೆ ಅವರು ಸಿನಿಮಾ ಪ್ರಚಾರಕ್ಕೆ ಬರುತ್ತಿಲ್ಲವೋ ಗೊತ್ತಿಲ್ಲ. ಅವರು ರೆಸ್ಪಾನ್ಸ್‌ ಮಾಡದಿದ್ದರೂ ಪರವಾಗಿಲ್ಲ. ನಮ್ಮ ಚಿತ್ರ ರಿಲೀಸ್‌ ಆಗುವುದಂತೂ ಗ್ಯಾರಂಟಿ’ ಎಂದು ಹೇಳುತ್ತಾರೆ ದಯಾಳ್‌.