Davis Cup: ಸ್ವೀಡನ್‌ ವಿರುದ್ಧ ಭಾರತಕ್ಕೆ 6ನೇ ಸೋಲು

ಸ್ಟಾಕ್‌ಹೋಮ್‌ (ಸ್ವೀಡನ್‌): ಡೇವಿಸ್‌ ಕಪ್‌ ಗ್ರೂಪ್‌ ಒಂದರ ಪಂದ್ಯಾವಳಿಯಲ್ಲಿ ಭಾರತ ಆತಿಥೇಯ ಸ್ವೀಡನ್‌ಗೆ ಶರಣಾಗಿದೆ. ಇದರೊಂದಿಗೆ ಸ್ವೀಡನ್‌ ವಿರುದ್ಧ ಆಡಿದ ಎಲ್ಲ 6 ಪಂದ್ಯಗಳಲ್ಲೂ ಭಾರತ ಸೋತಂತಾಯಿತು.

ಶನಿವಾರದ ಎರಡೂ ಸಿಂಗಲ್ಸ್‌ ಪಂದ್ಯಗಳನ್ನು ಸೋತಿದ್ದ ಭಾರತ, ರವಿವಾರ ಮೂರೂ ಪಂದ್ಯಗಳನ್ನು ಗೆಲ್ಲಬೇಕಾದ ಒತ್ತಡದಲ್ಲಿತ್ತು. ಮೊದಲು ಆಡಲಾದ ಡಬಲ್ಸ್‌ ಪಂದ್ಯದಲ್ಲಿ ರಾಮ್‌ಕುಮಾರ್‌ ರಾಮನಾಥನ್‌-ಎನ್‌. ಶ್ರೀರಾಮ್‌ ಬಾಲಾಜಿ ಅವರನ್ನು ಆ್ಯಂಡ್ರೆ ಗೊರಾನ್ಸನ್‌-ಫಿಲಿಪ್‌ ಬಗೇìವಿ ಸೇರಿಕೊಂಡು 6-3, 6-4 ಅಂತರದಿಂದ ಮಣಿಸಿದರು.
ಸ್ವೀಡನ್‌ 3-0 ಲೀಡ್‌ ಪಡೆದ ಕಾರಣ ರಿವರ್ಸ್‌ ಸಿಂಗಲ್ಸ್‌ ಕೇವಲ ಔಪಚಾರಿಕವಾಗಿತ್ತು. ಇಲ್ಲಿ ನ್ಯಾಶನಲ್‌ ಚಾಂಪಿಯನ್‌ ಸಿದಾ§ರ್ಥ್ ಅವರನ್ನು ಪರೀಕ್ಷಿಸಲು ಕಣಕ್ಕಿಳಿಸಲಾಯಿತು. ಎದುರಾಳಿ ಎಲಿಯಾಸ್‌ ವೈಮರ್‌ 6-2, 6-2ರಿಂದ ಭಾರತೀಯನನ್ನು ಮಣಿಸಿದರು.

ಭಾರತವಿನ್ನು ಮುಂದಿನ ವರ್ಷ ವರ್ಲ್ಡ್ ಗ್ರೂಪ್‌ ಒಂದರಲ್ಲೇ ಉಳಿಯಲು ಪ್ಲೇ ಆಫ್ ಸುತ್ತಿನಲ್ಲಿ ಆಡಬೇಕಿದೆ.