ಮಾಸ್ಕ್ ಧರಿಸಿ ದಾಂಪತ್ಯ ಜೀವನಕ್ಕೆ ಪ್ರವೇಶ

ದಾವಣಗೆರೆ: ಕೋವಿಡ್ ಸೋಂಕು ಭಯದಿಂದ ಯಾರೂ ಹೊರತಾಗಿಲ್ಲ ಎಂಬುದಕ್ಕೆ ಚನ್ನಗಿರಿ ತಾಲೂಕಿನ ಗೋಪನಹಳ್ಳಿಯಲ್ಲಿ ನಡೆದ ವಿವಾಹ ಸಾಕ್ಷಿಯಾಗಿದೆ.

ಹಿರಿಯರು, ನೆಂಟರಿಷ್ಟರು, ಸ್ನೇಹಿತರ ಸಮ್ಮುಖದಲ್ಲಿ ನೂತನ ಜೀವನಕ್ಕೆ ಕಾಲಿಡಬೇಕಾದ ಜೋಡಿ ಈಗ ಮನೆಯ ಮುಂದೆ ಬೆರಳೆಣಿಕೆ ಮಂದಿ ಮುಂದೆ ಮದುವೆಯಾಗಿದ್ದಾರೆ. ವರ ಕರಿಬಸಪ್ಪ ಮಾಸ್ಕ್ ಧರಿಸಿ ವಧು ನಾಗವೇಣಿಗೆ ಮಾಂಗಲ್ಯ ಧಾರಣೆ ಮಾಡಿದ್ದಾರೆ. ವಧುವಿನ ಮನೆಯ ಮುಂದೆ ನಡೆದ ಸರಳ ವಿವಾಹದಲ್ಲಿ ನೆರೆದಿದ್ದ 10-12 ಮಂದಿ ನೂತನ ದಂಪತಿಗೆ ಆಶೀರ್ವದಿಸಿದ್ದಾರೆ.