ಕೋವಿಡ್ -19 ಸೋಂಕಿತ ದಾವಣಗೆರೆ ಜಾಲಿನಗರದ ವೃದ್ಧ ಸಾವು

ದಾವಣೆಗೆರೆ: ಕೋವಿಡ್-19 ಸೋಂಕು ದೃಢವಾಗಿದ್ದ ಇಲ್ಲಿನ ಜಾಲಿನಗರದ ವೃದ್ಧ ಶುಕ್ರವಾರ ರಾತ್ರಿ ಸಾವನ್ನಪ್ಪಿದ್ದಾರೆ ಎಂದು ಜಿಲ್ಲಾಧಿಕಾರಿ ಸ್ಪಷ್ಟಪಡಿಸಿದ್ದಾರೆ.

ಇಲ್ಲಿನ ಜಾಲಿನಗರದ ನಿವಾಸಿಯಾಗಿದ್ದ 69 ವರ್ಷದ ವ್ಯಕ್ತಿ (ರೋಗಿ ನಂಬರ್ 556)ರಿಗೆ ಏಪ್ರಿಲ್ 28ರಂದು ಸೋಂಕು ತಾಗಿರುವುದು ದೃಢವಾಗಿತ್ತು. ಇವರು ನಿನ್ನೆ ರಾತ್ರಿ 9 ಗಂಟೆಗೆ ಮೃತ ಪಟ್ಟಿದ್ದಾರೆ.

ಪ್ರತಿ ಎರಡು ಗಂಟೆಗೊಮ್ಮೆ ಬೆಂಗಳೂರಿನ ತಜ್ಞರ ಜೊತೆ ಸಂಪರ್ಕದಲ್ಲಿದ್ದು, ಚಿಕಿತ್ಸೆ ನೀಡಿದ್ದೇವೆ. ಅವರು ಹೈಪರ್ ಟೆನ್ಶನ್, ಡಯಾಬಿಟಿಸ್, ಹೃದಯ ಸಂಬಂಧಿ ಕಾಯಿಲೆಯಿಂದ ಬಳಲುತ್ತಿದ್ದರು. ಇವರಿಗೆ ಕಳೆದ 19ನೇ ತಾರೀಖಿನಂದು ಮೈಕೈ ನೋವು ಕಾಣಿಸಿಕೊಂಡಿತ್ತು. ಬಳಿಕ ಬೇರೆ ಕಡೆಗಳಲ್ಲಿ ಚಿಕಿತ್ಸೆ ಪಡೆದಿದ್ದರು ಎನ್ನಲಾಗಿದೆ.

ವೃದ್ದನ ಸಂಪರ್ದಲ್ಲಿದ್ದ 92 ಮಂದಿ ಗಂಟಲು ದ್ರವದ ಸ್ಯಾಂಪಲ್ ನಿನ್ನೆ ಕಳುಹಿಸಲಾಗಿದೆ‌. 72 ಸ್ಯಾಂಪಲ್ ಗಳನ್ನು ಇಂದು ಕಳುಹಿಸಿದ್ದೇವೆ. ಗುಣಲಕ್ಷಣ ಇಲ್ಲದಿದ್ದರೂ ಅಕ್ಕಪಕ್ಕದವರ ಸ್ಯಾಂಪಲ್ ಕಳುಹಿಸಿದ್ದೇವೆ. ಇಂದು ಸಂಜೆ ವರದಿ ಬರಲಿದ್ದು, ನಂತರ ಗೊತ್ತಾಗಲಿದೆ ಎಂದು ಜಿಲ್ಲಾಧಿಕಾರಿ ಮಹಾಂತೇಶ್ ಆರ್. ಬೀಳಗಿ ಹೇಳಿದ್ದಾರೆ.