ದರ್ಬೆ: ಸರಣಿ ಅಪಘಾತ

ಪುತ್ತೂರು: ದರ್ಬೆ ಸಮೀಪ ಬುಧವಾರ ಸಂಜೆ ಸರಣಿ ಅಪಘಾತ ಸಂಭವಿಸಿದ ಘಟನೆ ಸಂಭವಿಸಿತು. ರಸ್ತೆ ಬದಿ ನಿಲ್ಲಿಸಿದ್ದ ಬೈಕ್‌ ಹಾಗೂ ಇನ್ನೋವಾ ಕಾರಿಗೆ ಜೀಪ್‌ ಢಿಕ್ಕಿ ಹೊಡೆಯಿತು.

ಘಟನೆಯಲ್ಲಿ ಯಾರಿಗೂ ಗಾಯಗಳಾಗಿಲ್ಲ. ಆದರೆ ಮೂರು ವಾಹನಗಳಿಗೂ ಸ್ವಲ್ಪ ಹಾನಿಯಾಗಿದೆ. ಜೀಪ್‌ ಚಾಲಕನ ನಿಯಂತ್ರಣ ತಪ್ಪಿ, ರಸ್ತೆ ಬದಿ ನಿಲ್ಲಿಸಿದ್ದ ಇನ್ನೋವಾಗೆ ಢಿಕ್ಕಿಯಾಗಿದೆ. ಇನ್ನೋವಾ ಕಾರು ಮುಂಭಾಗದಲ್ಲಿದ್ದ ಬೈಕ್‌ಗೆ ಢಿಕ್ಕಿಯಾಗಿದೆ. ಕಲ್ಲಾರೆ- ದರ್ಬೆ ನಡುವೆ ಡಿವೈಡರ್‌ ಅಳವಡಿಸಿದ್ದು, ರಸ್ತೆ ಬದಿ ವಾಹನ ಪಾರ್ಕಿಂಗ್‌ ಮಾಡಿದರೆ ಇಕ್ಕಟ್ಟಿನ ಪರಿಸ್ಥಿತಿ ನಿರ್ಮಾಣವಾಗುತ್ತದೆ. ಇದರಿಂದಾಗಿ ಅಪಘಾತ ಸಂಭವಿಸುತ್ತದೆ ಎಂದು ಸಾರ್ವಜನಿಕರು ತಿಳಿಸಿದ್ದಾರೆ.