ಎಟಿಪಿ ಫೈನಲ್ಸ್‌: ಡೊಮಿನಿಕ್‌ ಥೀಮ್‌ ಬಗ್ಗುಬಡಿದ ಡ್ಯಾನಿಲ್‌ ಮೆಡ್ವೆಡೇವ್‌ ಗೆ ಪ್ರಶಸ್ತಿ

ಲಂಡನ್‌: ಎಟಿಪಿ ಫೈನಲ್‌ ಪಂದ್ಯದಲ್ಲಿ ಡೊಮಿನಿಕ್‌ ಥೀಮ್‌ ರನ್ನು ಸೋಲಿಸಿದ ಡ್ಯಾನಿಲ್ ಮೆಡ್ವೆಡೇವ್ ಮೊದಲ ಬಾರಿಗೆ ಚಾಂಪಿಯನ್ ಆಗಿ ಮೆರೆದರು.

ಮೊದಲ ಸೆಟ್ ಸೋತರೂ ಡ್ಯಾನಿಲ್ ಮೆಡ್ವೆಡೇವ್ ನಂತರ ಉತ್ತಮ ಕಮ್ ಬ್ಯಾಕ್ ಮಾಡಿದರು. 4-6, 7-6, 6-4 ರ ಸೆಟ್ ಗಳಿಂದ ಗೆದ್ದ ಡ್ಯಾನಿಲ್ ಮೆಡ್ವೆಡೇವ್ ಮೊದಲ ಎಟಿಪಿ ಫೈನಲ್ ಪಂದ್ಯದಲ್ಲೇ ಗೆಲುವು ಸಾಧಿಸಿದರು. ಇನ್ನೊಂದೆಡೆ ಡೊಮಿನಿಕ್ ಥೀಮ್ ಸತತ ಎರಡನೇ ಎಟಿಪಿ ಫೈನಲ್ ನಲ್ಲಿ ಸೋಲನುಭವಿಸಿದ್ದಾರೆ.

ಡೊಮಿನಿಕ್‌ ಥೀಮ್‌ ಪಾಲಿಗೆ ಇದು ಸತತ 2ನೇ ಎಟಿಪಿ ಫೈನಲ್‌. ಕಳೆದ ವರ್ಷದ ಪ್ರಶಸ್ತಿ ಕಾಳಗದಲ್ಲಿ ಅವರು ಸ್ಟೆಫನಸ್‌ ಸಿಸಿಪಸ್‌ ವಿರುದ್ಧ ದಿಟ್ಟ ಹೋರಾಟ ಪ್ರದರ್ಶಿಸಿಯೂ ಸೋಲನುಭವಿಸಿದ್ದರು. ಈ ಸಲವೂ ಆಸ್ಟ್ರಿಯನ್‌ ಟೆನಿಸಿಗನಿಗೆ ಅದೃಷ್ಟ ಕೈ ಹಿಡಿಯಲಿಲ್ಲ.

ಸೆಮಿಫೈನಲ್ ಪಂದ್ಯದಲ್ಲಿ ಜೊಕೊವಿಕ್ ಮತ್ತು ನಡಾಲ್ ರನ್ನು ಸೋಲಿಸಿ ಇವರು ಫೈನಲ್ ಪ್ರವೇಶಿಸಿದ್ದರು. ತೀವ್ರ ಪೈಪೋಟಿಯಿಂದ ಕೂಡಿದ ಮೊದಲ ಸೆಮಿಫೈನಲ್‌ನಲ್ಲಿ ಯುಎಸ್‌ ಓಪನ್‌ ಚಾಂಪಿಯನ್‌ ಖ್ಯಾತಿಯ ಡೊಮಿನಿಕ್‌ ಥೀಮ್‌ 7-6, 6-7 (10-12), 7-6 (7-5) ಅಂತರದಿಂದ ಸರ್ಬಿಯನ್‌ ಆಟಗಾರನನ್ನು ಹಿಮ್ಮೆಟ್ಟಿಸಿದ್ದರು. ಇನ್ನೊಂದು ಉಪಾಂತ್ಯದಲ್ಲಿ ಡ್ಯಾನಿಲ್‌ ಮೆಡ್ವೆಡೇವ್‌ 3-6, 7-6 (7-4), 6-3 ಅಂತರದಿಂದ ನಡಾಲ್‌ ಆಟವನ್ನು ಕೊನೆಗೊಳಿಸಿದ್ದರು.

ಕ್ರೀಡೆ