ಬೈಕಾಡಿ ಗಾಂಧಿನಗರ: ಅಪಾಯಕಾರಿ ವಿದ್ಯುತ್‌ ಕಂಬ

ಬ್ರಹ್ಮಾವರ: ಹಾರಾಡಿ ಗ್ರಾ.ಪಂ. ವ್ಯಾಪ್ತಿಯ ಬೈಕಾಡಿ ಗಾಂಧಿನಗರ ಮುಖ್ಯರಸ್ತೆಯಲ್ಲಿ ವಿದ್ಯುತ್‌ ಕಂಬ ಅಪಾಯಕಾರಿ ಸ್ಥಿತಿಯಲ್ಲಿದೆ.

ರಸ್ತೆಯ ತಿರುವಿನಲ್ಲಿ ಹೊಂಡವಿದ್ದು, ಅಂಚಿನಲ್ಲೇ ವಿದ್ಯುತ್‌ ಕಂಬವಿದೆ. ಗಾಂಧಿನಗರದಲ್ಲಿ ನೂರಾರು ಮನೆಗಳಿದ್ದು ಪ್ರತಿನಿತ್ಯ ಸಾವಿರಾರು ಮಂದಿ ಸಂಚರಿಸುತ್ತಾರೆ.
ಈಗಾಗಲೇ ಹಲವಾರು ಅಪಘಾತಗಳು ಸಂಭವಿಸಿದೆ.

ವಿದ್ಯುತ್‌ ಕಂಬ ತೆರವುಗೊಳಿಸುವ ಹಾಗೂ ಹೊಂಡ ಮುಚ್ಚುವ ನಿಟ್ಟಿನಲ್ಲಿ ಗ್ರಾ.ಪಂ., ಮೆಸ್ಕಾಂ, ಜನಪ್ರತಿನಿಧಿಗಳು ತತ್‌ಕ್ಷಣ ಸ್ಪಂದಿಸಬೇಕಾಗಿ ಗಾಂಧಿನಗರದ ಸೂಪರ್‌ ನ್ಪೋರ್ಟ್ಸ್ ಮತ್ತು ಕಲ್ಚರಲ್‌ ಕ್ಲಬ್‌ನ ಅಧ್ಯಕ್ಷ ಭಾಸ್ಕರ್‌ ಅವರು ಮನವಿ ಮಾಡಿದ್ದಾರೆ.