ಸುಂಟರಗಾಳಿಯಿಂದ ಹಾನಿ: ಶಾಸಕರಿಂದ ಪರಿಶೀಲನೆ

ಮೂಡುಬಿದಿರೆ: ರವಿವಾರ ಸಂಜೆ ಸುಂಟರಗಾಳಿಯಿಂದ ಹಾನಿಗೀಡಾದ ಮೂಡುಬಿದಿರೆ ಪರಿಸರದ ಹಲವು ಗ್ರಾಮಗಳ ಮನೆಗಳಿಗೆ ಶಾಸಕ ಉಮಾನಾಥ ಕೋಟ್ಯಾನ್‌ ಅವರು ಸೋಮವಾರ ಮುಂಜಾನೆ ಭೇಟಿ ನೀಡಿ ಪರಿಶೀಲಿಸಿದರು.

ಪುರಸಭೆ ವ್ಯಾಪ್ತಿಯ ಕಲ್ಲಬೆಟ್ಟು, ಹುಡ್ಕೊà ಕಾಲನಿ, ಕೊಡಂಗಲ್ಲು, ಸುವರ್ಣನಗರ, ಕೋಟೆಬಾಗಿಲು, ಪೇಪರ್‌ ಮಿಲ್‌ ಪರಿಸರದ ಸುಮಾರು 18 ಮನೆಗಳು ಸಂಪೂರ್ಣವಾಗಿ ಹಾನಿಗೊಳಗಾಗಿರುವುದನ್ನು ಅವರು ವೀಕ್ಷಿಸಿ ದರು. ಆಗಿರುವ ನಷ್ಟವನ್ನು ಅಂದಾಜಿಸಿ, ಸಂಕಷ್ಟಕ್ಕೀ ಡಾದವರಿಗೆ ಆದಷ್ಟು ಶೀಘ್ರದಲ್ಲಿ ಪರಿಹಾರ ಕ್ರಮ ಜರಗಿಸುವಂತೆ ಅಧಿಕಾರಿಗಳಿಗೆ ಸೂಚನೆ ನೀಡಿದರು. ತಹಶೀಲ್ದಾರ್‌ ಅನಿತಾ ಲಕ್ಷ್ಮೀ, ಪುರಸಭೆ ಮುಖ್ಯಾಧಿಕಾರಿ ಇಂದು ಎಂ., ಪುರಸಭೆ ಸದಸ್ಯರು, ಗ್ರಾಮ ಕರಣಿಕ ನವೀನ್‌ ಸಹಿತ ಕಂದಾಯ ಅಧಿಕಾರಿಗಳು ಉಪಸ್ಥಿತರಿದ್ದರು.