17ರ ದಲಿತ ಬಾಲಕಿಯ ಗ್ಯಾಂಗ್‌ ರೇಪ್‌ : ಎಲ್ಲ ಐವರು ಆರೋಪಿಗಳ ಸೆರೆ

ಮುಜಫ‌ರನಗರ : ಉತ್ತರ ಪ್ರದೇಶದ ಮುಜಫ‌ರನಗರದಲ್ಲಿ 17ರ ಹರೆಯದ ದಲಿತ ಬಾಲಕಿಯ ಮೇಲೆ ಅತ್ಯಾಚಾರ ನಡೆಸಿದ ಐವರು ಆರೋಪಿಗಳಲ್ಲಿ ಪೊಲೀಸರು ಬಾಕಿ ಉಳಿದಿದ್ದ  ಇಬ್ಬರನ್ನು ಬಂಧಿಸಿರುವುದಾಗಿ ತಿಳಿದುಬಂದಿದೆ. 

ಉತ್ತರ ಪ್ರದೇಶದ ಮುಜಫ‌ರನಗರ ಜಿಲ್ಲೆಯ ಖತೋಲಿ ಆಡಳಿತ ಪ್ರದೇಶಕ್ಕೆ ಒಳಪಡುವ ಫ‌ುಲಟ್‌ ಗ್ರಾಮದಲ್ಲಿ  ಕಳೆದ ಭಾನುವಾರ ಐವರು ಕಾಮಾಂಧರು 17ರ ದಲಿತ ಬಾಲಕಿಯ ಮೇಲೆ ಗ್ಯಾಂಗ್‌ ರೇಪ್‌ ನಡೆಸಿದ್ದರು. 

ಈ ಬಗ್ಗೆ ಕೇಸು ದಾಖಲಿಸಿಕೊಂಡು ತನಿಖೆ ನಡೆಸಿದ ಪೊಲೀಸರು ಐವರಲ್ಲಿ ಮೂವರು ಆರೋಪಿಗಳನ್ನು ಒಡನೆಯೇ ಬಂಧಿಸಿದ್ದರು.