ಈ ರಾಶಿಯವರಿಗಿಂದು ಬಾಳಸಂಗಾತಿಯ ಅವಕಾಶಗಳು ವಿವಿಧ ರೀತಿಯಲ್ಲಿ ಒದಗಿ ಬಂದೀತು

18-05-2021

ಮೇಷ: ಧನಾಗಮನವು ಉತ್ತಮವಿದ್ದು ಆರ್ಥಿಕವಾಗಿ ಉನ್ನತಿ ಪಥ ಏರುವಿರಿ. ವಿವಾಹಪೇಕ್ಷಿಗಳಿಗೆ ಕಂಕಣಬಲವು ಪ್ರಾಪ್ತವಾಗಲಿದೆ. ಹಲವಾರು ಕನಸುಗಳು ನನಸಾಗುವ ಸಮಯವಿದು. ಶುಭವಿದೆ.

ವೃಷಭ: ಕೋರ್ಟು ವಾದ-ವಿವಾದಗಳು ನಿಮ್ಮ ಪರವಾಗಿ ತೀರ್ಮಾನಗೊಳ್ಳುವ ಸಾಧ್ಯತೆಗಳಿರುತ್ತವೆ. ಉದ್ಯೋಗ ಕ್ಷೇತ್ರದಲ್ಲಿ ಹೆಚ್ಚಿನ ಅಭಿವೃದ್ಧಿಯೂ ಬದಲಾವಣೆಗಳ ಸೂಚನೆಗಳು ಗೋಚರಕ್ಕೆ ಬಂದಾವು.

ಮಿಥುನ: ಮಕ್ಕಳಿಂದ ಹಿತವಿರುವುದು. ಕೋರ್ಟು ವ್ಯಾಜ್ಯದ ಬಗ್ಗೆ ತಲೆ ಚಿಟ್ಟು ಹಿಡಿದು ಅಂತೂ ಕೊನೆಗಾಣಲಿದೆ. ಧರ್ಮಪತ್ನಿಯೊಂದಿಗೆ ಸಹಮತವಿರಲಿ. ಆರೋಗ್ಯ ಭಾಗ್ಯವನ್ನು ಕಾಪಾಡಿಕೊಳ್ಳುವುದು ನಿಮ್ಮ ಕರ್ತವ್ಯವಾಗಿರಲಿ.

ಕರ್ಕ: ನಾನಾ ರೀತಿಯಲ್ಲಿ ಲವಲವಿಕೆ, ಉತ್ಸಾಹಗಳು ಹೆಚ್ಚಿನ ಆತ್ಮವಿಶ್ವಾಸಕ್ಕೆ ಪೂರಕವಾಗಿ ನಿಮ್ಮ ಮನೋಕಾಮನೆಯನ್ನು ಪೂರೈಸಲಿದೆ. ಸರಕಾರೀ ಕಚೇರಿಗಳಲ್ಲಿ ಉದ್ಯೋಗಸ್ಥರಿಗೆ ಹೆಚ್ಚಿನ ಮುನ್ನಡೆಯನ್ನು ತರುತ್ತದೆ. ಶುಭವಿದೆ.

ಸಿಂಹ: ವಿದ್ಯಾರ್ಥಿಗಳ ಮನೋಬಲವು ಅವರನ್ನು ಮುನ್ನಡೆಸಲಿದೆ. ಬಾಳಸಂಗಾತಿಯ ಅವಕಾಶಗಳು ವಿವಿಧ ರೀತಿಯಲ್ಲಿ ಒದಗಿ ಬಂದೀತು. ಸಾಂಸಾರಿಕ ಸುಖವು ಉತ್ತಮವಿದ್ದರೂ ಮನಸ್ಸು ಉದ್ವೇಗದಿಂದ ಬಳಲುವುದು.

ಕನ್ಯಾ: ಎಲ್ಲಾ ವಿಚಾರಗಳಲ್ಲಿ ಆಲೋಚನೆ ಮಾಡಿ ಹಿರಿಯರೊಂದಿಗೆ ಸಮಾಲೋಚಿಸಿ ಮುನ್ನಡೆದರೆ ನಿಮ್ಮ ಬಾಳು ಸುಗಮವಾಗಲಿದೆ. ಹಾಗೂ ಮಾನಸಿಕ ಚಂಚಲತೆ, ಭ್ರಮೆ ಹಾಗೂ ಸಂಶಯವನ್ನು ಬಿಟ್ಟರೆ ಒಳ್ಳೆಯದು.

ತುಲಾ: ದೂರ ಸಂಚಾರದಿಂದ ಕಾರ್ಯಾನುಕೂಲ ತೋರಿಬಂದು ಸಂತೃಪ್ತಿ ನೀಡಲಿದೆ. ಹೋಟೆಲ್‌ ಉದ್ಯಮದಲ್ಲಿ ಲಾಭಾಂಶ ಹೆಚ್ಚಿದರೂ ನೌಕರ ವರ್ಗದವರ ಕೊರತೆಯಿಂದ ತಲೆಗೆಟ್ಟಿàತು. ಯಾವ ಕೆಲಸಕ್ಕೂ ನೀವು ಸಿದ್ಧರಾಗಿರಿ.

ವೃಶ್ಚಿಕ: ಆರ್ಥಿಕ ಸ್ಥಿತಿಯು ಉನ್ನತಿ ಪಡೆದರೂ ಖರ್ಚುವೆಚ್ಚಗಳು ಅದೇ ರೀತಿಯಲ್ಲಿ ಬಂದೊದಗಲಿದೆ. ಅವಿವಾಹಿತರಿಗೆ ಉತ್ತಮ ನೆಂಟಸ್ತಿಕೆಗಳು ಹುಡುಕಿಕೊಂಡು ಬಂದಾವು. ಮಾನಸಿಕ ಅಸ್ಥಿರತೆ ಕಾಡಲಿದೆ.

ಧನು: ಆರ್ಥಿಕ ಗಳಿಕೆ ಉತ್ತಮವಿದ್ದರೂ ಉಳಿತಾಯದ ಬಗ್ಗೆ ಜಾಗ್ರತೆ ಮಾಡಿರಿ. ಹಾಗೂ ಖರ್ಚುವೆಚ್ಚವನ್ನು ಲೆಕ್ಕಾಚಾರದಿಂದ ಮಾಡಿರಿ. ರಾಜಕೀಯ ಭವಿಷ್ಯಕ್ಕೂ ಅನೇಕ ಅವಕಾಶಗಳು ಕೂಡಿಬಂದು ಯಶಸ್ಸು ಕಂಡುಬರಲಿದೆ.

ಮಕರ: ಸಾಂಸಾರಿಕವಾಗಿ ಮನದನ್ನೆಯ ಮಾತನ್ನು ಮೀರದಿರುವುದೇ ಲೇಸು. ಬಹುದಿನಗಳಿಂದ ತಡೆಯಲ್ಪಟ್ಟ ಪ್ರೇಮಿಗಳ ವಿವಾಹಕ್ಕೆ ಅಂಕಿತ ದೊರಕಲಿದೆ. ವೇಗದ ಚಾಲನೆಯನ್ನು ಮಾಡದೆ ನಿಧಾನ ಪ್ರವೃತ್ತಿ ಬೆಳೆಸಿಕೊಳ್ಳಿರಿ.

ಕುಂಭ: ಯಶಸ್ಸಿಗೆ ಇನ್ನೊಂದಿಷ್ಟು ಪೂರಕವಾಗಿ ಮಾನ, ಸಮ್ಮಾನಗಳು ಒದಗಿ ಬಂದಾವು. ವೃತ್ತಿರಂಗದಲ್ಲಿ ಮುಂಭಡ್ತಿ ಯಾ ವರ್ಗಾವಣೆಯ ಸಾಧ್ಯತೆಯು ತೋರಿಬಂದೀತು. ಸಾಮಾಜಿಕವಾಗಿ ಸ್ಥಾನಮಾನ ದೊರಕಲಿದೆ.

ಮೀನ: ವೃತ್ತಿರಂಗದಲ್ಲಿ ಕೆಲಸದ ಹೊರೆ ತಲೆಮೇಲೆ ಕಳಚಿ ಬಿದ್ದೀತು. ಮುಂಭಡ್ತಿ ದೊರಕಿದರೂ ಅದನ್ನು ತುಳಿದು ಹಿಡಿಯಲು ಹಲವು ಮಂದಿ ಕಾದುಕೂತಾರು. ನಿರುದ್ಯೋಗಿಗಳಿಗೆ ತಾತ್ಕಾಲಿಕ ಉದ್ಯೋಗವು ದೊರಕಲಿದೆ.

 

ಎನ್‌.ಎಸ್‌. ಭಟ್‌