ಇಂದಿನ ಗ್ರಹಬಲ: ಈ ರಾಶಿಯವರಿಂದು ಕಾರ್ಯರಂಗದಲ್ಲಿ ಜಂಜಾಟಗಳಿಂದ ದೂರವಿದ್ದಷ್ಟೂ ಉತ್ತಮ

24-02-2021

ಮೇಷ: ಧಾರ್ಮಿಕ ಆಚರಣೆಗಳು ಮನಸ್ಸಿಗೆ ಶಾಂತಿ, ಸಮಾಧಾನಗಳು ನೀಡಲಿವೆ. ಆರ್ಥಿಕವಾಗಿ ನಾನಾ ರೂಪದಲ್ಲಿ ಧನ ಸಂಗ್ರಹವಿದ್ದರೂ ಖರ್ಚುವೆಚ್ಚಗಳು ಮಿತಿ ಮೀರದಂತೆ ಗಮನಹರಿಸಿರಿ. ಶುಭವಿದೆ.

ವೃಷಭ: ಉತ್ತಮ ಗ್ರಹಗಳು ನಿಮ್ಮ ಪರವಾಗಿ ಮುನ್ನಡೆಗೆ ಸಾಧಕರಾದಾರು. ಗೃಹದಲ್ಲಿ ಸಾಂಸಾರಿಕವಾಗಿ ಹಾಗೂ ಕೌಟುಂಬಿಕವಾಗಿ ಶಾಂತಿ, ಸಮಾಧಾನಗಳು ನೆಲೆಸಲಿದೆ. ವಿದ್ಯಾರ್ಥಿ ವರ್ಗಕ್ಕೆ ಮುನ್ನಡೆ ತಂದೀತು.

ಮಿಥುನ: ಚಿಕ್ಕಪುಟ್ಟ ಸಮಸ್ಯೆಗಳು ಅನಾವಶ್ಯಕವಾಗಿ ಮಾನಸಿಕ ಅಸ್ಥಿರತೆ, ಉದ್ವೇಗ, ಕೋಪತಾಪಗಳಿಗೆ ಕಾರಣವಾಗಲಿದೆ. ಸಾಂಸಾರಿಕವಾಗಿ ಕಿರಿಕಿರಿಗಳು ಹೆಚ್ಚಲಿವೆ. ಆರೋಗ್ಯದಲ್ಲಿ ಹೆಚ್ಚು ಸುಧಾರಣೆ ಕಂಡುಬಂದೀತು.

ಕರ್ಕ: ಸ್ವಯಂಕೃತ ಅಪರಾಧಗಳ ಬಗ್ಗೆ ಪಶ್ಚಾತ್ತಾಪಗಳು ಕಂಡುಬಂದೀತು. ವ್ಯವಹಾರದಲ್ಲಿ ಬುದ್ಧಿವಂತಿಕೆಯಿದ್ದರೂ, ಎಚ್ಚರಿಕೆಯಿಂದ ವ್ಯವಹರಿಸಿದರೆ ಒಳಿತು. ಅವಿವಾಹಿತರಿಗೆ ಒಳ್ಳೆಯ ಯೋಗವಿದೆ.

ಸಿಂಹ: ಸಹಕಾರ ಮನೋಭಾವದಿಂದ ಮುಂದುವರಿದ್ದಲ್ಲಿ ಹಂತಹಂತವಾಗಿ ಅಭಿವೃದ್ಧಿಯು ಕಂಡುಬರಲಿದೆ. ಕಾರ್ಯರಂಗದಲ್ಲಿ ಜಂಜಾಟಗಳಿಂದ ದೂರವಿದ್ದಷ್ಟೂ ಉತ್ತಮ. ಒಳ್ಳೆಯದಿದೆ.

ಕನ್ಯಾ: ಧಾರಾಳವಾಗಿ ಎಲ್ಲಾ ಕ್ಷೇತ್ರದಲ್ಲಿ ಆರ್ಥಿಕ ಸ್ಥಿತಿಯನ್ನು ಗಟ್ಟಿಗೊಳಿಸಲಿದೆ. ವೃತ್ತಿರಂಗದಲ್ಲಿ ಉತ್ತಮ ಚೇತರಿಕೆಯ ದಿನಗಳಿವು ಆದರೂ ಹಿಡಿತ ಬಲವಾಗಿರಲಿ. ಮನೆಯಲ್ಲಿ ಸಂತೃಪ್ತಿ ಇದೆ.

ತುಲಾ: ನಿರುದ್ಯೋಗಿಗಳು ಬಂದ ಅವಕಾಶಗಳನ್ನು ಉಪಯೋಗಿಸಿಕೊಳ್ಳುವುದು ಉತ್ತಮ. ವ್ಯವಹಾರಿಕ ಒಪ್ಪಂದಗಳ ಬಗ್ಗೆ ಜಾಗ್ರತೆ ಮಾಡಬೇಕಾದೀತು. ಸಾಂಸಾರಿಕವಾಗಿ ಆದಷ್ಟು ತಾಳ್ಮೆ , ಸಮಾಧಾನದ ಅಗತ್ಯವಿದೆ.

ವೃಶ್ಚಿಕ: ಗ್ರಹಗಳ ಕಾಡುವಿಕೆಯು ಕಂಡುಬಂದೀತು. ಮಾನಸಿಕವಾಗಿ ಕಿರಿಕಿರಿಯಾಗಲಿದೆ. ಅನಿರೀಕ್ಷಿತ ರೂಪದಲ್ಲಿ ಖರ್ಚು ಬಂದೀತು. ದೂರ ಸಂಚಾರದಲ್ಲಿ ಜಾಗ್ರತೆ ಮಾಡಿದರೆ ಉತ್ತಮ. ಅತಿಥಿಗಳ ಆಗಮನವಿದೆ.

ಧನು: ವಿದ್ಯಾರ್ಥಿಗಳಿಗೆ ಅಭ್ಯಾಸ ಬಲ ಹಾಗೂ ಕಠಿಣ ಪರಿಶ್ರಮವು ಉತ್ತಮ ಫ‌ಲ ನೀಡಲಿದೆ. ನಿಮ್ಮ ಮನೆಯಲ್ಲಿ ಶಾಂತಿ, ಸಮಾಧಾನವಿರುವುದು. ಎಲ್ಲರೊಂದಿಗೆ ಬೆರೆತುಕೊಂಡು ಹೋದರೆ ಉತ್ತಮ.

ಮಕರ: ಆಗಾಗ ತೋರಿಬರುವ ಅಡೆತಡೆಗಳನ್ನು ಸರಿ ದಾರಿಗೆ ತರಬೇಕಾದೀತು. ವ್ಯಾಪಾರ, ವ್ಯವಹಾರದಲ್ಲಿ ಆದಷ್ಟು ಜಾಗ್ರತೆ ಮಾಡಿರಿ. ಹಿತಶತ್ರುಗಳು ತಲೆ ಎತ್ತಲಿದ್ದಾರೆ. ಅನೇಕ ರೀತಿಯಲ್ಲಿ ಕಿರಿಕಿರಿ ಕಂಡುಬಂದೀತು.

ಕುಂಭ: ಗೃಹದಲ್ಲಿ ದೇವತಾಕಾರ್ಯ ಹಾಗೂ ಧರ್ಮಕಾರ್ಯಗಳು ನಡೆಯಲಿದೆ. ಅವಿವಾಹಿತರಿಗೆ ವೈವಾಹಿಕ ಸಂಬಂಧಿತ ಮಾತುಕತೆಗಳು ಕಂಕಣಬಲದಲ್ಲಿ ಮುಕ್ತಾಯ ವಾದೀತು. ಹಿರಿಯರ ಬಗ್ಗೆ ಅಸಡ್ಡೆ ಸಲ್ಲದು.

ಮೀನ: ಕಷ್ಟಗಳನ್ನು ಎದುರಿಸುವ ಮಂದಿಗೆ ಇದು ಯಶಸ್ಸಿನ ಕಾಲವಾಗಿರುತ್ತದೆ. ಆದರೂ ಹೊಂದಾಣಿಕೆಗೆ ಅಗತ್ಯವಿದೆ. ನೀವು ನಿಮ್ಮ ಹಠ, ಛಲ ಸಾಧಿಸುವುದನ್ನು ಬಿಟ್ಟುಬಿಡಿರಿ. ಹಿರಿಯರ ಮಾತಿಗೆ ಬೆಲೆ ನೀಡಿರಿ.

 

ಎನ್‌.ಎಸ್‌. ಭಟ್‌