ಜೀವನದಲ್ಲಿ ಶುಭದ ಆಶಾಕಿರಣ- ಹೊಸ ಯೋಜನೆಗಳು ಕಾರ್ಯಗತ: ಹೇಗಿದೆ ಇಂದಿನ ಗ್ರಹಬಲ ?

ಮೇಷ: ಕಾರ್ಯಕ್ಷೇತ್ರದಲ್ಲಿ ಕೀರ್ತಿಶಾಲಿಗಳಾಗುವಿರಿ. ಹಾಗೂ ಆತ್ಮೀಯರ ಸಲಹೆ, ಸಹಕಾರಗಳು ಮುನ್ನಡೆಗೆ ಸಾಧಕವಾಗಲಿದೆ. ಋಣ ಪರಿಹಾರದ ಚಿಂತೆಯು ನಿವಾರಣೆಯಾದೀತು. ಶುಭಮಂಗಲ ಕಾರ್ಯದ ಚಿಂತನೆ ನಡೆದೀತು.

ವೃಷಭ: ಎಡರುತೊಡರುಗಳಿದ್ದರೂ ಹಂತಹಂತ ವಾಗಿ ನವಚೈತನ್ಯ ಉಂಟಾಗಲಿದೆ. ನೆರೆಹೊರೆಯವರ ಪ್ರೀತಿ ವಿಶ್ವಾಸವು ನಿಮಗೆ ದೊರಕೀತು. ವೃತ್ತಿರಂಗದಲ್ಲಿ ನಿಮ್ಮ ಕಾರ್ಯವೈಖರಿಯ ರೀತಿಗೆ ಪ್ರಶಂಸೆ ದೊರಕಬಹುದು.

ಮಿಥುನ: ಆರ್ಥಿಕವಾಗಿ ನಿಮ್ಮ ಪರಿಸ್ಥಿತಿಯು ಸುದೃಢವಾಗುತ್ತಾ ಹೋಗಲಿದೆ. ಪಾಲುಗಾರಿಕೆಯ ವ್ಯವಹಾರವುನಿಮಗೆ ತಕ್ಕುದಲ್ಲಾ. ಸಹೋದ್ಯೋಗಿಗಳ ಕಿರುಕುಳವು ನಿಮಗೆ ಬೇಸರ ತರಲಿದೆ. ಮುಂದಿದೆ ಒಳ್ಳೆಯ ದಿನಗಳು.

ಕರ್ಕ: ಕಾರ್ಯರಂಗದಲ್ಲಿ ನಿವೀಗ ತುಂಬಾ ಉತ್ಸಾಹದಾಯಕರಾಗಿರುವಿರಿ. ಆ ಉತ್ಸಾಹವು ನಿಮ್ಮನ್ನು ಯಶಸ್ಸುತರುವುದು. ಉದ್ಯೋಗಿಗಳಿಗೆ ತಮ್ಮ ಸಹೋದ್ಯೋಗಿಗಳಿಂದ ಒಳ್ಳೆಯ ಪ್ರೋತ್ಸಾಹವು ದೊರೆತು ಸಂತಸವಾಗಲಿದೆ.

ಸಿಂಹ: ಸಾರ್ಥಕತೆಯಿಂದ ಶತ್ರುಭಯ ನಿವಾರಣೆಯಾದರೂ ಮನಸ್ಸಿಗೆ ನೆಮ್ಮದಿ ಇರದು. ಆರ್ಥಿಕವಾಗಿಯಾರಿಗೂ ಸಾಲ ನೀಡದಿರಿ. ನ್ಯಾಯಾಲಯದ ವಿವಾದಗಳೂ ಸದ್ಯಕ್ಕೆ ಮುಕ್ತಾಯಗೊಳ್ಳುವ ಲಕ್ಷಣ ಕಂಡುಬಾರದು.

ಕನ್ಯಾ: ಗೃಹದಲ್ಲಿ ಪತ್ನಿಯ ಬೇಡಿಕೆಗೆ ಸ್ಪಂದಿಸಬೇಕಾದೀತು. ವೃತ್ತಿರಂಗದಲ್ಲಿ ಅಭಿವೃದ್ಧಿ ತೋರಿಬಂದರೂ ಆಗಾಗ ಹಿಂಸೆಯನ್ನು ಅನುಭವಿಸುವಂತಾದೀತು. ಯೋಗ್ಯ ವಯಸ್ಕರಿಗೆ ಉತ್ತಮ ಸಂಬಂಧಗಳು ಒದಗಿ ಬಂದಾವು.

ತುಲಾ: ಸ್ವತಂತ್ರ ಉದ್ಯೋಗಿಗಳು, ವ್ಯಾಪಾರಸ್ಥರು ಹೆಚ್ಚಿನ ಎಚ್ಚರಿಕೆಯಿಂದ ಇರುವುದು ಉತ್ತಮ. ಆಗಾಗ ತೋರಿ ಬರುವ ಕಾರ್ಯಸಾಧನೆಗೆ ಅಡ್ಡಿಯನ್ನು ನಿವಾರಿಸಿಕೊಳ್ಳಿರಿ. ಉದ್ಯೋಗಿಗಳಿಗೆ ಸ್ವಲ್ಪ ಕಿರಿಕಿರಿಯು ಇದ್ದೀತು.

ವೃಶ್ಚಿಕ: ಆರ್ಥಿಕವಾಗಿ ಆಗಾಗ ಹಿನ್ನಡೆ ತೋರಿಬಂದು ಸಮಸ್ಯೆಗಳು ಎದುರಾದೀತು. ದುಡುಕು, ಉದ್ವೇಗಗಳೆಲ್ಲ ಸಲ್ಲದು. ಸರಿಯಾಗಿ ಆಲೋಚಿಸಿ ಮುನ್ನಡೆಯುವುದು ಉತ್ತಮ. ವಿದ್ಯಾರ್ಥಿಗಳಿಗೆ ಉದಾಸೀನತೆ ತೋರಿಬಂದೀತು

ಧನು: ಶುಭದ ಆಶಾಕಿರಣವು ನಿಮ್ಮ ಜೀವನದಲ್ಲಿ ಮೂಡಿ ಬರಲಿದೆ. ಎಚ್ಚರಿಕೆಯ ಹೆಜ್ಜೆ ಇರಿಸಿದಲ್ಲಿ ನಿಮ್ಮ ಕೆಲಸಕಾರ್ಯಗಳೆಲ್ಲ ಉನ್ನತಿಗೇರಲಿದೆ. ವಿದ್ಯಾರ್ಥಿಗಳಿಗೆ ಅಭ್ಯಾಸಬಲವು ಅಗತ್ಯವಾಗಿದೆ. ಶುಭವಿದೆ.

ಮಕರ: ಹೊಸ ಯೋಜನೆಗಳು ಕಾರ್ಯಗತವಾದರೆ ನಿಮ್ಮ ಕೆಲಸ ಪೂರ್ಣಗೊಂಡಂತಾಗಲಿದೆ. ನೂತನ ಧನದಾಯದ ಮೂಲಕ ಭಾಗ್ಯಾಭಿವೃದ್ಧಿಯು ತಂದೀತು. ಗೃಹದಲ್ಲಿ ಪತ್ನ , ಮಕ್ಕಳು ನಿಮಗೆ ಸಹಕಾರ ನೀಡಲಿದ್ದಾರೆ.

ಕುಂಭ: ನಿರೀಕ್ಷಿತ ಸ್ಥಾನವಲ್ಲದಿದ್ದರೂ ನಿಮಗೆ ಬೇಕೆಂದೆನಿಸಿದ ಜಾಗವು ಸಿಗಲಿದೆ. ಆದ್ದರಿಂದ ನಿಮ್ಮೆಲ್ಲರಿಗೂ ಹರುಷವಾಗಲಿದೆ. ಅನಾವಶ್ಯಕವಾಗಿ ನಿಷ್ಠುರಕ್ಕೆ ಕಾರಣರಾಗದಿರಿ. ಕಂಡ ಕಂಡ ಸಾಮಗ್ರಿಗಳಿಗೆ ಹಣ ಸುರಿಯದಿರಿ.

ಮೀನ: ವೃತ್ತಿರಂಗದಲ್ಲಿ ತಾತ್ಕಾಲಿಕ ಸ್ಥಾನಮಾನ ದೊರೆತು ನೆಮ್ಮದಿ ತಂದೀತು. ಕ್ರೀಡಾರಂಗದವರಿಗೆ ಒಳ್ಳೆಯ ಅವಕಾಶಗಳು ಕೂಡಿಬರಲಿದೆ. ಆರೋಗ್ಯಭಾಗ್ಯ ಸುಧಾರಿಸಲಿದೆ. ಸಾಂಸಾರಿಕವಾಗಿ ಹುಸಿ ಅಪವಾದ ಕಾಡಲಿದೆ.