ದಾಭೋಲ್ಕರ್‌ ಪ್ರಕರಣ: ಆರೋಪಿ ಪರ ವಕೀಲ ಸೆರೆ!

ಪುಣೆ: ಮಹಾರಾಷ್ಟ್ರದ ವಿಚಾರವಾದಿ ದಾಭೋಲ್ಕರ್‌ ಹತ್ಯೆ ಪ್ರಕರಣದಲ್ಲಿ ಆರೋಪಿಗಳ ಪರ ವಕೀಲಿಕೆ ವಹಿಸಿದ್ದ ಅಡ್ವೊಕೇಟ್‌ ಸಂಜೀವ್‌ ಪುನಾಲೇಕರ್‌ ಅವರನ್ನು ಈ ಪ್ರಕರಣದ ತನಿಖೆ ನಡೆಸುತ್ತಿರುವ ಸಿಬಿಐ ಬಂಧಿಸಿದೆ.

ದಾಭೋಲ್ಕರ್‌ ಹತ್ಯೆ ಆರೋಪಿಗಳಿಗೂ ವಕೀಲ ಸಂಜೀವ್‌ ಅವರಿಗೂ ಮೊದಲೇ ಪರಿಚಯವಿರುವ ವಿಚಾರ ತನಿಖೆಯ ವೇಳೆ ತಿಳಿದುಬಂದ ಹಿನ್ನೆಲೆಯಲ್ಲಿ ಅವರನ್ನು ಬಂಧಿಸಲಾಗಿದೆ. ಸಂಜೀವ್‌ ಜತೆಗೆ, ಸನಾತನ ಸಂಸ್ಥೆಯ ಸದಸ್ಯನೆಂದು ಗುರುತಿಸಲಾಗಿರುವ ವಿಕ್ರಮ್‌ ಭಾವೆ ಎಂಬಾತನನ್ನೂ ಬಂಧಿಸಲಾಗಿದ್ದು ಈ ಇಬ್ಬರನ್ನು ರವಿವಾರ ಪುಣೆಯ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗುತ್ತದೆ ಎಂದು ಸಿಬಿಐ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.