ಬಂಟ್ವಾಳ: ಸಿಲಿಂಡರ್ ಸ್ಪೋಟಗೊಂಡು ಗಾಯ

ಬಂಟ್ವಾಳ: ಫರಂಗಿಪೇಟೆ ಅಮ್ಮೆಮಾರ್ ಬಳಿ ಗುಜರಿ ಅಂಗಡಿಯಲ್ಲಿ ಗ್ಯಾಸ್ ಸಿಲಿಂಡರನ್ನು ಪುಡಿ ಮಾಡುವ ವೇಳೆ ಅದು ಸ್ಪೋಟಗೊಂಡು ಕಾರ್ಮಿಕ ಗಾಯಗೊಂಡು ಸೊತ್ತುಗಳು ಸುಟ್ಟು ಭಸ್ಮವಾದ ಘಟನೆ ಶನಿವಾರ ಸಂಜೆ ನಡೆದಿದೆ.

ಬಂಟ್ವಾಳ ಕಾರಾಜೆ ನಿವಾಸಿ ಅಬ್ದುಲ್ ರಝಾಕ್ ಗಾಯಗೊಂಡವರು. ಅವರು ಅಮ್ಮೆಮಾರಿನ ಗುಜರಿ ಅಂಗಡಿಗೆ ಆಟೋ ರಿಕ್ಷಾದ ಮೂಲಕ ಆಗಮಿಸಿ ಸಿಲಿಂಡರ್ ಪುಡಿ ಮಾಡುವ ಕಾರ್ಯ ನಿರ್ವಹಿಸುವ ವೇಳೆ ಘಟನೆ ನಡೆದಿದೆ.

ಘಟನೆಯಲ್ಲಿ ಆಟೋ ರಿಕ್ಷಾ ಸಹಿತ ಅಲ್ಲಿದ್ದ ಕೆಲವು ಸೊತ್ತುಗಳು ಭಸ್ಮವಾಗಿವೆ. ಬಂಟ್ವಾಳ ಅಗ್ನಿಶಾಮಕ ದಳದವರು ಸ್ಥಳಕ್ಕೆ ತೆರಳಿ ಬೆಂಕಿ ನಂದಿಸುವ ಕಾರ್ಯನಿರ್ವಹಿಸಿದ್ದಾರೆ.

ಬಂಟ್ವಾಳ ಗ್ರಾಮಾಂತರ ಪೊಲೀಸರು ಸ್ಥಳಕ್ಕೆ ತೆರಳಿ ಪರಿಶೀಲನೆ ನಡೆಸಿದ್ದಾರೆ.