Fraud: ಪಾರ್ಟ್‌ ಟೈಂ ಕೆಲಸ ಕೊಡಿಸುವುದಾಗಿ ವ್ಯಕ್ತಿಗೆ 6 ಲಕ್ಷ ರೂ.ವಂಚಿಸಿದ ಸೈಬರ್‌ ಖದೀಮರು

ಬೆಂಗಳೂರು: ವಿಮಾನದ ಟಿಕೆಟ್‌ ರಿವ್ಯೂ ಮಾಡುವ ಪಾರ್ಟ್‌ ಟೈಂ ಕೆಲಸ ಕೊಡಿಸು ವುದಾಗಿ ವ್ಯಕ್ತಿಯೊ ಬ್ಬರಿಗೆ ಸೈಬರ್‌ ವಂಚಕರು 6 ಲಕ್ಷ ರೂ. ವಂಚಿಸಿದ್ದಾರೆ.

ಕೆಂಗೇರಿಯ ಸಂದೀಪ್‌(48) ವಂಚನೆ ಗೊಳಗಾದವರು. 2023 ಡಿ.6 ರಂದು ಪಾರ್ಟ್‌ ಟೈಂ ಜಾಬ್‌ ಬಗ್ಗೆ ಸಂದೀಪ್‌ ಮೊಬೈಲ್‌ಗೆ ಸಂದೇಶ ಬಂದಿತ್ತು. ಟೆಲಿಗ್ರಾಂ ಮೂಲಕ ಅಪರಿಚಿತರನ್ನು ಸಂಪರ್ಕಿಸಿದ್ದರು. ಅಪರಿಚಿತರು ಮೊದಲಿಗೆ ವಿಮಾ ನದ ಟಿಕೆಟ್‌ ರಿವ್ಯೂ ಮಾಡುವ ಟಾಸ್ಕ್ ಕೊಟ್ಟಿದ್ದರು. ಅಪರಿಚಿತರ ಸೂಚನೆಯಂತೆ ಸಂದೀಪ್‌ ಅವರ ಬ್ಯಾಂಕ್‌ ಖಾತೆಗೆ ಆನ್‌ ಲೈನ್‌ ಮೂಲಕ 12,397 ರೂ. ಪಾವತಿಸಿದ್ದರು. ಇದಕ್ಕೆ ಪ್ರತಿಯಾಗಿ ಅಪರಿಚಿತರು ಸಂದೀಪ್‌ ಖಾತೆಗೆ 59 ಸಾವಿರ ರೂ. ಕಮೀಷನ್‌ ಹಣ ಪಾವತಿಸಿದ್ದರು.

ಇನ್ನೂ ಹೆಚ್ಚು ಹಣ ಪಾವತಿಸಿದರೆ ದುಡ್ಡು ದ್ವಿಗುಣ ಗೊಳಿಸಬಹುದು ಎಂದು ಅಪರಿಚಿತರು ನಂಬಿಸಿದ್ದರು. ಅವರ ಮಾತಿಗೆ ಮರುಳಾದ ಸಂದೀಪ್‌ 6.6 ಲಕ್ಷ ರೂ. ಅನ್ನು ಪಾವತಿಸಿ ದ್ದರು. ನಂತರ ಅಪರಿಚಿತರು ಯಾವುದೇ ಲಾಭಾಂಶ ನೀಡದೇ ಇದ್ದಾಗ ಆತಂಕ ಗೊಂಡ ಸಂದೀಪ್‌ ಸೈಬರ್‌ ಕಳ್ಳರ ಕೈ ಚಳಕ ಎಂದು ಗೊತ್ತಾಗಿದೆ. ಪಶ್ಚಿಮ ವಿಭಾಗದ ಸೈಬರ್‌ ಕ್ರೈಂ ಠಾಣೆಗೆ ಸಂದೀಪ್‌ ದೂರು ನೀಡಿದ್ದು, ದೂರು ದಾಖಲಾಗಿದೆ.