Advertisement
ಈಗಾಗಲೇ ಬಹುತೇಕ ಕಾಮಗಾರಿ ಮುಗಿದು ಅಂತಿಮ ಹಂತದಲ್ಲಿದೆ.ಕಡ್ತಲ ಪಂಚಾಯತ್‌ ವ್ಯಾಪ್ತಿಯ ಅಶೋಕ್‌ ನಗರ, ಮುಳ್ಳಜಾಲು, ದಬುìಜೆ, ಗೋಳಿ ಪಲ್ಕೆ ಪ್ರದೇಶಗಳಲ್ಲಿ ಈ ಯೋಜನೆ ಜಾರಿಗೆ ಬರುತ್ತಿದ್ದು ಸುಮಾರು 50 ಮನೆಯವರು ವರ್ಮಿಫಿಲ್ಟರ್‌ ಶೌಚಾಲಯ ಗುಂಡಿ ನಿರ್ಮಾಣಕ್ಕೆ ಒಲವು ತೋರಿದ್ದಾರೆ.
Related Articles
Advertisement
ಜಿ.ಪಂ.ಹಾಗೂ ಸ್ವಚ್ಛ ಭಾರತ್‌ ಮಿಷನ್‌ನ ಅಧಿಕಾರಿಗಳು ಮೇ 9ರಂದು ವರ್ಮಿಫಿಲ್ಟರ್‌ ಶೌಚಾಲಯ ಗುಂಡಿ ನಿರ್ಮಾಣವಾದ ಪ್ರದೇಶಕ್ಕೆ ಭೇಟಿ ನೀಡಿ ಇದರ ಉಪಯೋಗದ ಬಗ್ಗೆ ಸ್ಥಳೀಯರಿಗೆ ಮಾಹಿತಿ ನೀಡಿದರು.
ಈ ಸಂದರ್ಭ ಪವರ್‌ ಓವರ್‌ ಕಂಪೆನಿಯ ಪರಿಸರ ವಿಜ್ಞಾನಿ ಸುವರ್ಣ ಸಾವಂತ್‌ಅವರು ಟೈಗರ್‌ ಶೌಚಾಲಯ ನಿರ್ಮಾಣ ಮಾಡಿದ ಫ‌ಲಾನುಭವಿಗಳಿಗೆ ಬಿಳಿ ಹಾರ್ಪಿಕ್‌ ವಿತರಣೆ ಮಾಡಿದರು.
ಪವರ್‌ ಓವರ್‌ ಕಂಪೆನಿಯ ಸಂಯೋಜಕರಾದ ಶರತ್‌ ಮತ್ತು ಎಸ್‌ಬಿಎಂ ಗುತ್ತಿಗೆದಾರರಾದ ವೆಂಕಟೇಶ್‌, ಪಿಡಿಒ ಫ‌ರ್ಜಾನ ಎಂ. ಅವರು ಉಪಸ್ಥಿತರಿದ್ದರು.
ಪರಿಸರ ರಕ್ಷಣೆಯ ಉದ್ದೇಶದೇಶದಲ್ಲಿಯೇ ಪ್ರಥಮ ಬಾರಿಗೆ ಟೈಗರ್‌ ಶೌಚಾಲಯ ಕಡ್ತಲ ಪಂಚಾಯತ್‌ ವ್ಯಾಪ್ತಿಯಲ್ಲಿ ನಿರ್ಮಾಣ ಮಾಡಲಾಗುತ್ತಿದ್ದು ಇದರಿಂದಾಗಿ ಜಲಮೂಲದ ಸಂರಕ್ಷಣೆಯೊಂದಿಗೆ ಪರಿಸರ ರಕ್ಷಣೆಯ ಉದ್ದೇಶವನ್ನು ಹೊಂದಲಾಗಿದೆ. ಫ‌ಲಾನುಭವಿಗಳಿಗೆ ಯಾವುದೇ ಸಮಸ್ಯೆ ಉಂಟಾದಲ್ಲಿ ಪಂಚಾಯತ್‌ ಅನ್ನು ಕೂಡಲೇ ಸಂಪರ್ಕಿಸಿದಲ್ಲಿ ತುರ್ತಾಗಿ ಸರಿಪಡಿಸಿಕೊಡಲಾಗುವುದು.
-ಫ‌ರ್ಜಾನ ಎಂ.,ಪಿಡಿಒ,ಕಡ್ತಲ ಗ್ರಾ.ಪಂ. ನೂರು ಕುಟುಂಬಗಳು ಆಯ್ಕೆ
ಕೇಂದ್ರ ಸರಕಾರದ ಪ್ರಾಯೊಗಿಕ ಯೋಜನೆಯಡಿಯಲ್ಲಿ ಉಡುಪಿ ಜಿಲ್ಲೆಯ ನೂರು ಕುಟುಂಬಗಳಿಗೆ ಟೈಗರ್‌ ಶೌಚಾಲಯ ಮಂಜೂರಾತಿಗೊಂಡಿದ್ದು ಇದರಲ್ಲಿ 50 ಕುಟುಂಬಗಳು ಕಡ್ತಲ ಗ್ರಾ.ಪಂ.ನಿಂದ ಆಯ್ಕೆಗೊಂಡಿದ್ದು ಇಲ್ಲಿನ ಕಾಮಗಾರಿ ಈಗಾಗಲೇ ಪೂರ್ಣಗೊಂಡಿದೆ. ಉಳಿದ 50 ಫ‌ಲಾನುಭವಿಗಳನ್ನು ಅಂಬಲಪಾಡಿ, ಅಲೆವೂರು, ವರಂಗ ಗ್ರಾ.ಪಂ.ಗಳಿಂದ ಆಯ್ಕೆ ಮಾಡಲಾಗಿದೆ.
-ರಘುನಾಥ,
ಸಂಯೋಜಕರು, ಸ್ವಚ್ಛ ಭಾರತ್‌ ಮಿಷನ್‌ ಉಡುಪಿ ಜಿಲ್ಲೆ