ವಾಷಿಂಗ್ಟನ್: ಪ್ರಾಣಿಗಳಿಗೆ ಒಂದು ಬಾಲವಿರುವುದು ಕಂಡಿರುತ್ತೀರಾ ಮತ್ತು ಕೇಳಿರುತ್ತೀರಾ ? ಆದರೇ ಇಲ್ಲೊಂದು ಮುದ್ದು ನಾಯಿಮರಿಗೆ ಎರಡೆರಡು ಬಾಲವಿದೆ. ಅಚ್ಚರಿಯಾದರೂ ಸತ್ಯ. ಇದೀಗ ನಾಯಿ ಮರಿ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದ್ದು ವಿಡಿಯೋ ಹಿಟ್ಸ್ ಪಡೆದಿವೆ.
ಹೌದು. ಅಮೇರಿಕದ ಮಿಸ್ಸೌರಿಯಲ್ಲಿ ಬೀದಿ ನಾಯಿಮರಿಯೊಂದಕ್ಕೆ ಎರಡೆರಡು ಬಾಲವಿದೆ. ಅದರಲ್ಲೂ ವಿಶೇಷವೆಂದರೇ ಮುಖದ ಮೇಲೊಂದು ಮೋಟು ಬಾಲವಿದೆ. ಈ ಕ್ಯೂಟ್ ನಾಯಿ ಮರಿಗೆ ಹುಟ್ಟಿದಾಗಿಂದಲೇ ಮುಖದ ಮೇಲೆ ಬಾಲವಿತ್ತೆಂದು ಹೇಳಲಾಗಿದೆ. ಅದರ ಕ್ಯೂಟ್ ನೆಸ್ ಗೆ ಪ್ರಾಣಿ ಪ್ರಿಯರು ಬೋಲ್ಡ್ ಆಗಿದ್ದು, ಪಪ್ಪಿ ಕಾರ್ನ್ ಎಂದು ಪ್ರೀತಿಯಿಂದ ಕರೆದಿದ್ದಾರೆ.
ಈ ನಾಯಿ ಮರಿ ಅಮೇರಿಕದಲ್ಲಿ ಜನಪ್ರಿಯವಾಗಿದ್ದು ಜನರು ಇದನ್ನು ಕ್ಯೂಟ್ ಯೂನಿಕಾರ್ನ್ ಎಂದೇ ಕರೆಯುತ್ತಿದ್ದಾರೆ. ಯೂನಿಕಾರ್ನ್ ಎಂದರೆ ಹಣೆಯ ಮೇಲೆ ಕೊಂಬು ಇರುವ ಕುದುರೆ ಎಂದರ್ಥ.
ಈ ನಾಯಿ ಮರಿ ಹೆಸರು ನಿಜವಾದ ಹೆಸರು ನಾರ್ವಲ್. ಈಗ ಎನ್ ಜಿಓವೊಂದು ಇದರ ಪಾಲನೆ ಮಾಡುತ್ತಿದೆ. ಈ ಮುದ್ದಾದ ನಾಯಿ ಮರಿಯ ಫೋಟೋಗಳನ್ನು ವಿ ರೇಟ್ ಡಾಗ್ಸ್ ಹೆಸರಿನ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ.
