Bengaluru Airport; 17 ಕಾಳಿಂಗ ಸರ್ಪಗಳು ಸೇರಿ ವಿವಿಧ ವನ್ಯ ಜೀವಿಗಳು ಸೀಜ್

ಬೆಂಗಳೂರು: ಇಲ್ಲಿನ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಕಸ್ಟಮ್ಸ್ ಅಧಿಕಾರಿಗಳು ಸಾಮಾನು ಸರಂಜಾಮುಗಳಲ್ಲಿ ಕಳ್ಳ ಸಾಗಾಣಿಕೆ ಮಾಡಲಾಗುತ್ತಿದ್ದ ಹಾವುಗಳು ಸೇರಿ ಕಾಡು ಪ್ರಾಣಿಗಳನ್ನು ಗುರುವಾರ ಸಂಜೆ ವಶಪಡಿಸಿಕೊಂಡಿದ್ದಾರೆ.

55 ಬಾಲ್ ಹೆಬ್ಬಾವುಗಳು (ವಿವಿಧ ಬಣ್ಣದ ರೂಪಗಳು) ಮತ್ತು 17 ಕಾಳಿಂಗ ಸರ್ಪಗಳು ಒಳಗೊಂಡು ಒಟ್ಟು 78 ಪ್ರಾಣಿಗಳು ಜೀವಂತವಾಗಿ ಕಂಡುಬಂದಿವೆ. 6 ಕಪುಚಿನ್ ಮಂಗಗಳು ಸತ್ತ ಸ್ಥಿತಿಯಲ್ಲಿ ಕಂಡುಬಂದಿವೆ.

1962 ರ ಕಸ್ಟಮ್ಸ್ ಕಾಯಿದೆಯ ಸೆಕ್ಷನ್ 110 ರ ಅಡಿಯಲ್ಲಿ ರಕ್ಷಿಸಲಾದ ಪ್ರಾಣಿಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಜೀವಂತ ಪ್ರಾಣಿಗಳನ್ನು ಮೂಲದ ದೇಶಕ್ಕೆ ಗಡೀಪಾರು ಮಾಡಲಾಗಿದೆ ಮತ್ತು ಸತ್ತ ಪ್ರಾಣಿಗಳನ್ನು ಸರಿಯಾದ ನೈರ್ಮಲ್ಯ ಕ್ರಮಗಳೊಂದಿಗೆ ವಿಲೇವಾರಿ ಮಾಡಲಾಗಿದೆ.ಹೆಚ್ಚಿನ ತನಿಖೆ ಪ್ರಗತಿಯಲ್ಲಿದೆ ಎಂದು ಕಸ್ಟಮ್ಸ್ ಅಧಿಕಾರಿಗಳು ತಿಳಿಸಿದ್ದಾರೆ.