Ola Scooter; ರಿಪೇರಿಗೆ 90000 ರೂ.ಬಿಲ್‌: ಸ್ಕೂಟರ್‌ ಒಡೆದು ಹಾಕಿದ ಗ್ರಾಹಕ

ನವದೆಹಲಿ: ಓಲಾ ಎಲೆಕ್ಟ್ರಿಕ್‌ ಸ್ಕೂಟರ್‌ ರಿಪೇರಿ ಮಾಡಿಸಿದ್ದಕ್ಕೆ ಶೋರೂಂನವರು 90,000 ರೂ. ಬಿಲ್‌ ಮಾಡಿದರು ಎಂದು ಗ್ರಾಹಕನೊಬ್ಬ ಸುತ್ತಿಗೆಯಿಂದ ಸ್ಕೂಟರ್‌ ಒಡೆದುಹಾಕುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.

ಈ ಘಟನೆ ಯಾವ ನಗರದಲ್ಲಿ ನಡೆದದ್ದು ಎಂಬುದರ ಬಗ್ಗೆ ಸ್ಪಷ್ಟ ಮಾಹಿತಿ ಲಭ್ಯವಾಗಿಲ್ಲ. ಹಲವರು ಈ ವಿಡಿಯೋವನ್ನು ಹಂಚಿಕೊಂಡಿದ್ದು, ಓಲಾ ಕಂಪನಿ ಸುಲಿಗೆ ಮಾಡುತ್ತಿದೆ ಎಂದು ಕಿಡಿಕಾರಿದ್ದಾರೆ.

ಓಲಾ ಸ್ಕೂಟರ್‌ಗಳ ಮಾರಾಟ ಕುಸಿದಿದ್ದು, ಹಣಗಳಿಸಲು ಓಲಾ ಈ ಹಾದಿ ಹಿಡಿದಿದೆ ಎಂದು ಹಲವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.