ಜನಪ್ರಿಯ ಸ್ವಿಫ್ಟ್ಉತ್ಪಾದನೆ ಸ್ಥಗಿತ?

ಮುಂಬೈ; ಮಾರುತಿ ಸುಜುಕಿ ಕಂಪನಿಯ ಜನಪ್ರಿಯ ಸ್ವಿಫ್ಟ್ ಕಾರು ಉತ್ಪಾದನೆ ಸ್ಥಗಿತಗೊಳಿಸಲಾಗುತ್ತದೆ ಎಂದು ಹೇಳಲಾಗಿದೆ. ಇತ್ತೀಚೆಗೆ ಈ ಸಂಬಂಧ ಚಿತ್ರವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದ್ದು, ಉತ್ಪಾದನಾ ಘಟಕದಲ್ಲಿ ಉದ್ಯೋಗಿಗಳು ಕೊನೆಯ ಸ್ವಿಫ್ಟ್ ಉತ್ಪಾದನೆಯ ನಂತರ ಫೋಟೋ ತೆಗೆದು  ಕೊಳ್ಳುತ್ತಿದುದು ಕಂಡು  ಬಂದಿದೆ. ಅಲ್ಲದೆ ಬೈ ಬೈ ಸ್ವಿಫ್ಟ್ ಎಂದು ಅವರು ಬರೆದುಕೊಂಡಿದ್ದೂ ತಿಳಿದುಬಂದಿದೆ.

2005ರಲ್ಲಿ ಆರಂಭವಾದ ಈ ಮಾದರಿಯ ಕಾರು ಅತ್ಯಂತ ಜನಪ್ರಿಯವಾಗಿತ್ತು. 2007, 2010 ಹಾಗೂ 2011ರಲ್ಲಿ ಹೊಸ ಹೊಸ ಮಾದರಿಗಳನ್ನು ಕಂಪನಿ ಬಿಡುಗಡೆ ಮಾಡಿದೆ. ಸದ್ಯ ಮಾರುಕಟ್ಟೆಯಲ್ಲಿ ಹೆಚ್ಚು ಚಾಲ್ತಿಯಲ್ಲಿರುವ ಕಾರು 2014 ರ ಸುಧಾರಿತ ಆವೃತ್ತಿಯಾಗಿದೆ.

ಮುಂದಿನ ದಿನಗಳಲ್ಲಿ, ಸ್ವಿಫ್ಟ್ನ ಹೊಸ ಮಾದರಿಯ ಕಾರು ಬಿಡುಗಡೆಯಾಗಲಿದ್ದು, ವಿನ್ಯಾಸ, ತಂತ್ರಜ್ಞಾನ ಹಾಗೂ ಇತರ ವಿಭಾಗಗಳಲ್ಲಿ ಸಂಪೂರ್ಣ ವಿಭಿನ್ನವಾಗಿರಲಿದೆ ಎನ್ನಲಾಗಿದೆ.