Advertisement
ಕಾಲ್ಬೆ ರಳು ಗಾಯದಿಂದ ಬಳಲುತ್ತಿದ್ದ ಸ್ಟೋಕ್ಸ್‌ ಕಳೆದ ಮೂರು ಐಪಿಎಲ್‌ ಪಂದ್ಯಗಳಲ್ಲಿ ಆಡಿರಲಿಲ್ಲ. ಫಿಟ್‌ನೆಸ್‌ಗೆ ಮರಳಿದ ಬಳಿಕ ಅವರು ಬುಧವಾರ ನೆಟ್‌ ಅಭ್ಯಾಸ ನಡೆಸಿದ್ದು ಆಯ್ಕೆಗೆ ಲಭ್ಯವಿರುವುದನ್ನು ಖಚಿತಪಡಿಸಿದ್ದಾರೆ.
ಚೆನ್ನೈಯ ಬ್ಯಾಟಿಂಗ್‌ ಬಲಿಷ್ಠವಾಗಿದೆ. ಸ್ಟೋಕ್ಸ್‌ ಸೇರ್ಪಡೆಯಿಂದ ಆನೆ ಬಲ ಬಂದಂತಾಗಿದೆ. ಅಗ್ರ ಕ್ರಮಾಂಕದಲ್ಲಿ ಡೇವನ್‌ ಕಾನ್ವೇ, ರುತುರಾಜ್‌ ಗಾಯಕ್ವಾಡ್‌ ಭರ್ಜರಿ ಆರಂಭ ಒದಗಿಸಿದ್ದರೆ ಹಿಟ್ಟರ್‌ ಶಿವಂ ದುಬೆ, ಅಜಿಂಕ್ಯ ರಹಾನೆ, ಧೋನಿ ಮತ್ತು ರವೀಂದ್ರ ಜಡೇಜ ಬಿರುಸಿನ ಬ್ಯಾಟಿಂಗ್‌ ನಡೆಸಲು ಸಮರ್ಥರಿದ್ದಾರೆ. ಚೆನ್ನೈಯ ಬೌಲರ್‌ಗಳ ನಿರ್ವಹಣೆ ಸ್ಥಿರವಾಗಿಲ್ಲ ಮತ್ತು ಫೀಲ್ಡಿಂಗ್‌ ನಿರೀಕ್ಷಿತ ಮಟ್ಟದಲ್ಲಿ ಇರದಿರುವುದು ಚಿಂತೆಯ ವಿಷಯವಾಗಿದೆ.
Related Articles
Advertisement
ಈ ಹಿಂದಿನ ಪಂದ್ಯದಲ್ಲಿ ಪವರ್‌ಪ್ಲೇಯಲ್ಲಿ ಕೆಲವು ವಿಕೆಟ್‌ ಕಳೆದುಕೊಂಡಿರುವುದು ತಂಡಕ್ಕೆ ಹಿನ್ನೆಡೆ ಯಾಗಿತ್ತು. ಮಧ್ಯಮ ಕ್ರಮಾಂಕದ ಆಟಗಾರರು ಆಳವಾದ ಬ್ಯಾಟಿಂಗ್‌ ಪ್ರದರ್ಶಿಸಿ ಪಂದ್ಯವನ್ನು ಜಯದ ಕಡೆಗೆ ಕೊಂಡೊಯ್ಯಲು ಪ್ರಯತ್ನಿಸುವ ಅಗತ್ಯವಿದೆ ಎಂದು ತಂಡದ ಮುಖ್ಯ ಕೋಚ್‌ ಬ್ರ್ಯಾನ್‌ ಲಾರಾ ಹೇಳಿದ್ದಾರೆ.ಸ್ಥಳೀಯ ಹೀರೋ ವಾಷಿಂಗ್ಟನ್‌ ಸುಂದರ್‌ ತವರು ಮೈದಾನದಲ್ಲಿ ಮಿಂಚು ಹರಿಸುವ ಉತ್ಸಾಹದಲ್ಲಿದ್ದಾರೆ. ಅವರ ಈ ಉತ್ಸಾಹಕ್ಕೆ ತಂಡದ ಇತರ ಆಟಗಾರರೆಲ್ಲರೂ ಬೆಂಬಲವಾಗಿ ನಿಂತರೆ ಹೈದರಾಬಾದ್‌ ಗೆಲುವಿನ ಸಂಭ್ರಮವನ್ನು ನಿರೀಕ್ಷಿಸಬಹುದು.