ಕೊನೆಗೂ ಸಿಕ್ಕಿಬಿದ್ದ  600 ಕೆ.ಜಿ ಮೊಸಳೆ

ಸಿಡ್ನಿ: ಬರೋಬ್ಬರಿ 8 ವರ್ಷಗಳ ಹುಡುಕಾಟದ ಬಳಿಕ ಕೊನೆಗೂ ದೈತ್ಯ ಮೊಸಳೆ ಸೆರೆಸಿಕ್ಕಿದೆ. ಈ ಮೊಸಳೆ 4.7 ಮೀ. ಉದ್ದವಿದ್ದು , 600 ಕೆಜಿ ತೂಕವಿದೆ. ಇದಕ್ಕೆ 60 ವರ್ಷ ವಯಸ್ಸಾಗಿದೆ ಎಂದು ಅಂದಾಜಿಸಲಾಗಿದೆ. ಆಸ್ಟ್ರೇಲಿಯಾದಲ್ಲಿ ಜನವಸತಿಗೆ ಹತ್ತಿರವಿರುವ ಪ್ರದೇಶಗಳು, ನದಿ ಅಥವಾ ಯಾವುದೇ ನೀರಿನ ಮೂಲಗಳಲ್ಲಿರುವ ಮೊಸಳೆಗಳನ್ನು ಹಿಡಿದು ಮೊಸಳೆ ಪಾರ್ಕ್‌ಗೆ ಸ್ಥಳಾಂತರಿಸ ಲಾಗುತ್ತದೆ. ಈ ಮೊಸಳೆ 2010ರಲ್ಲಿ ಕ್ಯಾಥರಿನ್‌ ನದಿಯಲ್ಲಿ ಕಾಣಿಸಿಕೊಂಡಿತ್ತು. ಅಲ್ಲಿಂದ ಇಲ್ಲಿಯವರೆಗೆ ಇದಕ್ಕಾಗಿ ವನ್ಯಜೀವಿ ಸಂರಕ್ಷಣಾ ಇಲಾಖೆ ಶೋಧಕಾರ್ಯ ನಡೆಸುತ್ತಿತ್ತು ಎಂದು ಇಲಾಖೆ ಹೇಳಿದೆ.