ಲಂಡನ್: ಸ್ಟಾರ್ ಫುಟ್ ಬಾಲ್ ಆಟಗಾರ ಕ್ರಿಸ್ಟಿಯಾನೊ ರೊನಾಲ್ಡೊ ಈ ಬೇಸಿಗೆಯಲ್ಲಿ ಮ್ಯಾಂಚೆಸ್ಟರ್ ಯುನೈಟೆಡ್ ತೊರೆಯಲು ಮುಂದಾಗಿದ್ದಾರೆ ಎಂದು ವರದಿ ತಿಳಿಸಿದೆ.
37 ವರ್ಷ ವಯಸ್ಸಿನ ಪೋರ್ಚುಗಲ್ ಫಾರ್ವರ್ಡ್ ಕಳೆದ ಬೇಸಿಗೆಯಲ್ಲಿ ಜುವೆಂಟಸ್‌ ನಿಂದ ಮ್ಯಾಂಚೆಸ್ಟರ್ ಯುನೈಟೆಡ್ ಗೆ ಮರಳಿದ್ದರು. ಆದರೆ ಕಳೆದ ಋತುವಿನಲ್ಲಿ ಯುನೈಟೆಡ್ ನ ಅಗ್ರ ಸ್ಕೋರರ್ ಆಗಿದ್ದರೂ ಮತ್ತು ಪ್ರೀಮಿಯರ್ ಲೀಗ್ ನಲ್ಲಿ ಮೂರನೇ ಸ್ಥಾನದಲ್ಲಿದ್ದರೂ, ಅಭಿಯಾನವು ಒಟ್ಟಾರೆ ನಿರಾಶಾದಾಯಕವಾಗಿತ್ತು.
37 ವರ್ಷದ ರೊನಾಲ್ಡೊ, ಜೂನ್ 2023 ರವರೆಗೆ ಮ್ಯಾಂಚೆಸ್ಟರ್ ಯುನೈಟೆಡ್ ಜೊತೆಗೆ ಒಪ್ಪಂದವನ್ನು ಹೊಂದಿದ್ದು, ಅದನ್ನು ಇನ್ನೂ ಒಂದು ವರ್ಷಕ್ಕೆ ವಿಸ್ತರಿಸುವ ಆಯ್ಕೆಯನ್ನು ಹೊಂದಿದ್ದಾರೆ. ಆದರೆ ಈಗ ಅದನ್ನು ವರ್ಗಾಯಿಸಲು ಕೇಳಿಕೊಂಡಿದ್ದಾರೆ ಎಂದು ವರದಿಯಾಗಿದೆ.
ಇದನ್ನೂ ಓದಿ:ಸುಮಲತಾ ಅಂಬರೀಶ್‌ ಈಗ ಸಿಎಂ!
ಚೆಲ್ಸಿಯಾ, ಬೇಯರ್ನ್ ಮ್ಯೂನಿಚ್ ಮತ್ತು ನಾಪೋಲಿ ಇತರ ಕ್ಲಬ್‌ ಗಳು ರೊನಾಲ್ಡೊ ಅವರನ್ನು ತಮ್ಮಲ್ಲಿ ಸೇರಿಸಲು ಉತ್ಸುಕವಾಗಿದೆ ಎಂದು ವರದಿ ತಿಳಿಸಿದೆ.
