ರೊನಾಲ್ಡೊ ರಿಯಲ್‌ ಮ್ಯಾಡ್ರಿಡ್‌ ತ್ಯಜಿಸುವುದು ಖಾತ್ರಿ?

ಮ್ಯಾಡ್ರಿಡ್‌: ಫ‌ುಟ್‌ಬಾಲ್‌ ದಂತಕತೆ ಕ್ರಿಸ್ಟಿಯಾನೊ ರೊನಾಲ್ಡೊ ದೀರ್ಘ‌ ಕಾಲದಿಂದ ಆಡುತ್ತಿದ್ದ ಪ್ರತಿಷ್ಠಿತ ಫ‌ುಟ್‌ಬಾಲ್‌ ಕ್ಲಬ್‌ ರಿಯಲ್‌ ಮ್ಯಾಡ್ರಿಡ್‌ಗೆ ಗುಡ್‌ಬೈ ಹೇಳುವ ಸಾಧ್ಯತೆಯಿದೆ. ಕಳೆದ ಕೆಲವು ಸಮಯದಿಂದ ಈ ಬಗ್ಗೆ ವದಂತಿ ಕೇಳಿಬರುತ್ತಿದ್ದರೂ ಕ್ಲಬ್‌ ಮತ್ತು ರೊನಾಲ್ಡೊ ಅದನ್ನು ಖಾತ್ರಿಪಡಿಸಿರಲಿಲ್ಲ. 

ಇದೀಗ ಕ್ಲಬ್‌ ಮುಂದಿನ ಕೂಟಗಳಿಗಾಗಿ ಕ್ಲಬ್‌ ಬಿಡುಗಡೆ ಮಾಡಿರುವ ತಂಡದ ಜೆರ್ಸಿಯಲ್ಲಿ ರೊನಾಲ್ಡೊ ಚಿತ್ರವೇ ಇಲ್ಲ. ಇದು ರೊನಾಲ್ಡೊ ಕ್ಲಬ್‌ ಪರ ಆಡುವುದಿಲ್ಲ ಎನ್ನುವುದನ್ನು ಬಹುತೇಕ ಖಚಿತಪಡಿಸಿದೆ. ಆದರೆ ಮುಂದೆ ಅವರು ಯಾವ ಕ್ಲಬ್‌ ಪರ ಆಡುತ್ತಾರೆನ್ನುವುದು ತಿಳಿದು ಬಂದಿಲ್ಲ. ಅಲ್ಲದೇ ಈ ಬೆಳವಣಿಗೆಗಳ ಕುರಿತು ಸದ್ಯದಲ್ಲೇ ರೊನಾಲ್ಡೊ ಹೇಳಿಕೆ ನೀಡುವ ಸಾಧ್ಯತೆಯಿದೆ.