ರೊನಾಲ್ಡೊಗೆ ಗೆಳತಿಯಿಂದಲೇ ಕ್ಷೌರ

ಮ್ಯಾಡ್ರಿಡ್‌: ತಾರೆಯರಿಗೆಲ್ಲ ಈಗ ಮನೆಯಲ್ಲೇ ಪತ್ನಿಯರು, ಗೆಳತಿಯರು ಕ್ಷೌರ ಮಾಡುತ್ತಿದ್ದಾರೆ. ಹೌದು, ಬೇರೆ ದಾರಿಯೇ ಈಗ ಉಳಿದಿಲ್ಲ, ಕೋವಿಡ್ 19ವೈರಸ್‌ನಿಂದ ಜಗತ್ತೇ ಲಾಕ್‌ಡೌನ್‌ ಆಗಿದೆ, ಹೊರಗೆ ಹೋಗಿ ಕ್ಷೌರ ಮಾಡಿಸಿಕೊಳ್ಳಲಾಗುತ್ತಿಲ್ಲ, ಎರಡು ದಿನಗಳ ಹಿಂದೆ ಭಾರತ ತಂಡದ ನಾಯಕ ವಿರಾಟ್‌ ಕೊಹ್ಲಿಗಾಗಿ ಪತ್ನಿ ಬಾಲಿವುಡ್‌ ನಟಿ ಅನುಷ್ಕಾ ಶರ್ಮ ಕತ್ತರಿ ಹಿಡಿದು ಸ್ಪೆಷಲ್‌ ಕೇಶ ವಿನ್ಯಾಸ ಮಾಡಿದ್ದರು.

ಇದೀಗ ಖ್ಯಾತ ಫ‌ುಟ್‌ಬಾಲ್‌ ಆಟಗಾರ ಕ್ರಿಸ್ಟಿಯಾನೊ ರೊನಾಲ್ಡೊ ಸರದಿ, ಇವರಿಗಾಗಿ ಅವರ ಗೆಳತಿ ಜಾರ್ಜಿನಾ ರೋಡ್ರಿಗಸ್‌ ಕ್ಷೌರ ಮಾಡಿದ್ದಾರೆ. ಈ ವಿಡಿಯೊವನ್ನು ಟ್ವಿಟರ್‌ನಲ್ಲಿ ಸ್ವತಃ ರೊನಾಲ್ಡೊ ಪ್ರಕಟಿಸಿದ್ದು ವೈರಲ್‌ ಆಗಿದೆ.