ಶಾರ್ಟ್‌ಸರ್ಕ್ಯೂಟ್: ಮನೆಗೆ ಬೆಂಕಿ; ಲಕ್ಷಾಂತರ ರೂ. ನಷ್ಟ

ಉಡುಪಿ: ಶಾರ್ಟ್‌ಸರ್ಕ್ಯೂಟ್ ನಿಂದಾಗಿ ಪರ್ಕಳ ಈಶ್ವರನಗರದ ಬಳಿಯ ವಿವೇಕಾನಂದ ನಗರದ ಮನೆಯೊಂದಕ್ಕೆ ಬೆಂಕಿ ತಗಲಿದ ಘಟನೆ ಬುಧವಾರ ನಡೆದಿದೆ.

ಮನೆಯೊಳಗಿದ್ದ ಟಿವಿ, ಫ್ರಿಡ್ಜ್, ಸೋಫಾ, ಬೆಡ್‌ಗಳು ಸಹಿತ ಇತರ ವಸ್ತುಗಳು ಸುಟ್ಟು ಕರಗಲಾಗಿವೆ.

ಘಟನೆ ನಡೆದ ಸಂದರ್ಭ ಮನೆಯಲ್ಲಿ ಯಾರೂ ಇರಲಿಲ್ಲ. ನೆರೆಮನೆಯವರು ನೀಡಿದ ಮಾಹಿತಿ ಮೇರೆಗೆ ಮನೆಯವರಿಗೆ ಘಟನೆಯ ಬಗ್ಗೆ ಅರಿವಾಗಿದೆ.

1 ಲ.ರೂ.ಗೂ ಅಧಿಕ ಪ್ರಮಾಣದ ನಷ್ಟ ಉಂಟಾಗಿದೆ. ಬೆಂಕಿ ನಂದಿಸಲು ಅಗ್ನಿಶಾಮಕ ದಳದ ಸಿಬಂದಿ ಸಹಕರಿಸಿದರು.

ಘಟನ ಸ್ಥಳಕ್ಕೆ ವಿ.ಎ., ಸ್ಥಳೀಯ ನಗರಸಭಾ ಸದಸ್ಯರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.