ವಿಟ್ಲ: ದ್ವಿಚಕ್ರ ವಾಹನ –ಜೀಪ್‌ ಢಿಕ್ಕಿ: ಸವಾರ ಸಾವು

ವಿಟ್ಲ: ಕಡೂರು ಕಾಂಞಂಗಾಡು ಹೆದ್ದಾರಿಯ ವಿಟ್ಲ ಸಮೀಪದ ಉಕ್ಕುಡ ಚೆಕ್‌ಪೋಸ್ಟ್‌ ಬಳಿ ದ್ವಿಚಕ್ರ ವಾಹನ ಮತ್ತು ಜೀಪ್‌ ಢಿಕ್ಕಿಯಾಗಿ ದ್ವಿಚಕ್ರ ವಾಹನ ಸವಾರ ಮೃತಪಟ್ಟಿದ್ದಾರೆ.

ಕುಂಡಡ್ಕ ಪಿಲಿಂಜ ಮೂಲದ ಗುಂಪಲಡ್ಕ ನಿವಾಸಿ ದಿನೇಶ್‌ (38) ಮೃತರು. ಅಪಘಾತದ ತೀವ್ರತೆಗೆ ದ್ವಿಚಕ್ರ ವಾಹನ ನಜ್ಜುಗುಜ್ಜಾಗಿದೆ.

ಗಾಯಾಳುವನ್ನು ಸ್ಥಳೀಯರು ವಿಟ್ಲದಿಂದ ಪುತ್ತೂರು ಆಸ್ಪತ್ರೆಗೆ ದಾಖಲಿಸಿ ಅನಂತರ ದೇರಳಕಟ್ಟೆಗೆ ವರ್ಗಾಯಿಸುವ ಸಂದರ್ಭ ಮೃತಪಟ್ಟಿದ್ದಾರೆ.

ಆಲಂಗಾರು ಕಡೆಯಿಂದ ಹಾಲು ತೆಗೆದುಕೊಂಡು ಹೋಗುತ್ತಿದ್ದಾಗ ಈ ಘಟನೆ ಸಂಭವಿಸಿದೆ.