ಅಪ್ರಾಪ್ತ ಬಾಲಕಿ ಮೇಲೆ ಮಲತಂದೆಯಿಂದಲೇ ಅತ್ಯಾಚಾರ; ಅಂಡಾಣು ಮಾರಾಟ

ಈರೋಡ್‌: ತಮಿಳುನಾಡಿನ ಈರೋಡ್‌ ಜಿಲ್ಲೆಯಲ್ಲಿ ಅತ್ಯಂತ ಅಮಾನವೀಯ ಕೃತ್ಯವೊಂದು ಬೆಳಕಿಗೆ ಬಂದಿದೆ.

ಅಪ್ರಾಪ್ತ ವಯಸ್ಕ ಬಾಲಕಿಯೊಬ್ಬಳು, ತನ್ನ ಮಲತಂದೆಯಿಂದಲೇ ಹಲವು ಬಾರಿ ಅತ್ಯಾಚಾರಕ್ಕೊಳಗಾಗಿದ್ದಾಳೆ.

ಮಾತ್ರವಲ್ಲ ಶಿಶುಜನನಕ್ಕೆ ನೆರವಾಗುವ ಅಂಡಾಣುಗಳನ್ನು (ಸ್ತ್ರೀ ಋತುಮತಿಯಾದ ನಂತರ ಆಕೆಯಲ್ಲಿ ಹುಟ್ಟುವ ಕೋಶಗಳು) ಆಕೆಯಿಂದ ಬಲಾತ್ಕಾರವಾಗಿ ಮಾರಾಟ ಮಾಡಿಸಲಾಗಿದೆ. ಕನಿಷ್ಠ ಎಂಟು ಬಾರಿ ಹೀಗೆ ಮಾಡಲಾಗಿದೆ.

ಅಪ್ರಾಪ್ತೆ ವಯಸ್ಕ ಬಾಲಕಿ ಋತುಮತಿಯಾದಾಗಿನಿಂದ ಆಕೆಯ ಮಲತಂದೆ ಸೈಯದ್‌ ಅಲಿ (40), ತಾಯಿ ಎಸ್‌.ಇಂದ್ರಾಣಿಯೇ ಈ ಕೆಲಸ ಮಾಡಿಸುತ್ತಿದ್ದಾರೆ. ಇದರಿಂದ ಹಣ ಗಳಿಸುತ್ತಿದ್ದಾರೆ. ಮಾಲತಿ ಎಂಬ ಮಧ್ಯವರ್ತಿ ಈ ಬಾಲಕಿಯ ವಯಸ್ಸನ್ನು ಆಧಾರ್‌ ಕಾರ್ಡ್‌ನಲ್ಲಿ ಬದಲಾಯಿಸಿದ್ದಾಳೆ. ಕೆಲವು ದಿನಗಳ ಈ ಹಿಂದೆ ಅಪ್ರಾಪ್ತೆ ಮನೆಯಿಂದ ತಪ್ಪಿಸಿಕೊಂಡು, ಸೇಲಂನಲ್ಲಿರುವ ಸಂಬಂಧಿಕರ ಮನೆಯಲ್ಲಿ ಉಳಿದುಕೊಂಡಿದ್ದಳು. ನಂತರ ಸಂಬಂಧಿಕರ ಸಹಾಯದಿಂದ ಪೊಲೀಸರಿಗೆ ದೂರು ನೀಡಿದ್ದರಿಂದ ಈ ಕೃತ್ಯ ಬೆಳಕಿಗೆ ಬಂದಿದೆ. ಸದ್ಯ ಸೈಯದ್‌, ಇಂದ್ರಾಣಿ, ಮಾಲತಿಯನ್ನು ಬಂಧಿಸಲಾಗಿದೆ.