ಮೊಬೈಲ್‌ ಸ್ಫೋಟ; ಅಪಾಯದಿಂದ ಪಾರು ವರ್ಷಗಳ ಹಿಂದೆ ಆನ್‌ಲೈನ್‌ ಮೂಲಕ ಖರೀದಿ

ಸುಳ್ಯ: ಟೇಬಲ್‌ ಮೇಲಿಟ್ಟಿದ್ದ ಮೊಬೈಲ್‌ ಏಕಾಏಕಿ ಸ್ಫೋಟಗೊಂಡಿರುವ ಘಟನೆ ಸುಳ್ಯ ತಾಲೂಕಿನ ಬೆಳ್ಳಾರೆಯಲ್ಲಿ ಜೂ.2ರಂದು ನಡೆದಿದ್ದು, ಯಾವುದೇ ಪ್ರಾಣಾಪಾಯ ಸಂಭವಿಸಿಲ್ಲ.

ಬೆಳ್ಳಾರೆಯ ಅಂಗಡಿಯೊಂದರಲ್ಲಿ ಉದ್ಯೋಗಿಯಾಗಿರುವ ಯುವತಿ ರೆಡ್‌ಮಿ ನೋಟ್‌ 8 ಮೊಬೈಲ್‌ನ್ನು ಆನ್‌ಲೈನ್‌ ಮೂಲಕ ಒಂದೂವರೆ ವರ್ಷಗಳ ಹಿಂದೆ ಖರೀದಿಸಿದ್ದರು. ಎರಡು ದಿನಗಳ ಹಿಂದೆ ಮೊಬೈಲ್‌ನಲ್ಲಿ ಸಮಸ್ಯೆ ಕಂಡುಬಂದ ಹಿನ್ನೆಲೆಯಲ್ಲಿ ಮೊಬೈಲ್‌ ಅಂಗಡಿಯಲ್ಲಿ ರಿಪೇರಿ ಮಾಡಿಸಲಾಗಿತ್ತು. ಜೂ. 2ರಂದು ಯುವತಿ ಬೆಳ್ಳಾರೆಯ ಹೊಟೇಲ್‌ವೊಂದಕ್ಕೆ ಸ್ನೇಹಿತೆಯೊಂದಿಗೆ ಊಟಕ್ಕೆ ಬಂದಿದ್ದು, ಮೊಬೈಲ್‌ನ್ನು ಟೇಬಲ್‌ ಮೇಲೆ ಇಟ್ಟು ಮಾತನಾಡುತ್ತಿದ್ದ ವೇಳೆ ಮೊಬೈಲ್‌ ಏಕಾಏಕಿ ಸ್ಫೋಟಗೊಂಡು, ಬೆಂಕಿ ಹತ್ತಿಕೊಂಡಿದೆ ಎನ್ನಲಾಗಿದೆ.

ಇದನ್ನೂ ಓದಿ:ಹೈದರಾಬಾದ್: ಅಪ್ರಾಪ್ತೆ ಮೇಲೆ ಸಾಮೂಹಿಕ ಅತ್ಯಾಚಾರ: ಶಾಸಕರ ಪುತ್ರ ಸೇರಿ ಐವರು ಶಾಮೀಲು?

ಮೊಬೈಲ್‌ ದಿಢೀರ್‌ ಸ್ಫೋಟಗೊಳ್ಳಲು ಕಾರಣ ತಿಳಿದುಬಂದಿಲ್ಲ.