ಕುಟುಂಬದೊಂದಿಗೆ ಬೆರೆತು ಭಾವುಕರಾದ ಕ್ರಿಕೆಟಿಗರು

ಸಿಡ್ನಿ: ಐಪಿಎಲ್‌ನಲ್ಲಿ ಆಡಲು ಬಂದಿದ್ದ ಆಸ್ಟ್ರೇಲಿಯದ ಆಟಗಾರರು ಕೊನೆಗೂ ಕಠಿನ ಕ್ವಾರಂಟೈನ್‌ ಮುಗಿಸಿ ಸೋಮವಾರ ತಮ್ಮ ಕುಟುಂಬವನ್ನು ಕೂಡಿಕೊಂಡರು. ಮೂರು ತಿಂಗಳ ಬಳಿಕ ತಮ್ಮ ಪರಿವಾರದವರೊಂದಿಗೆ ಬೆರೆತ ಭಾವುಕ ಕ್ಷಣವಾಗಿ ಇದು ದಾಖಲಾಯಿತು.

ಐಪಿಎಲ್‌ ಅರ್ಧದಲ್ಲಿ ನಿಂತ ವೇಳೆ ಆಸ್ಟ್ರೇಲಿಯ ಭಾರತದ ವಿಮಾನ ಸಂಚಾರವನ್ನು ನಿರ್ಬಂಧಿಸಿತ್ತು. ಹೀಗಾಗಿ ಈ ಆಟಗಾರರು ಮಾಲ್ಡೀವ್ಸ್‌ಗೆ ತೆರಳಿದ್ದರು. ಅಲ್ಲಿಂದ ಸಿಡ್ನಿಗೆ ಆಗಮಿಸಿ 14 ದಿನ ಕಡ್ಡಾಯ ಕ್ವಾರಂಟೈನ್‌ಗೆ ಒಳಗಾಗಿದ್ದರು. ಸೋಮವಾರಕ್ಕೆ ಈ ಏಕಾಂತವಾಸ ಮುಗಿಯಿತು. ಆಸ್ಟ್ರೇಲಿ ಯದ 38 ಸದಸ್ಯರ ಬೃಹತ್‌ ಪಡೆ ಐಪಿಎಲ್‌ಗಾಗಿ ಭಾರತಕ್ಕೆ ಆಗಮಿಸಿತ್ತು.

“ಮತ್ತೆ ನನ್ನ ಕುಟುಂಬವನ್ನು ಸೇರಿಕೊಂಡಿದ್ದು, ಮನೆಯಲ್ಲಿರಲು ಖುಷಿಯಾಗುತ್ತಿದೆ’ ಎಂದು ವಾರ್ನರ್‌ ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್‌ ಮಾಡಿದ್ದಾರೆ. “ಕ್ವಾರಂಟೈನ್‌ ಬಳಿಕ ಶುದ್ಧ ಗಾಳಿ ಸೇವನೆ ಸೊಗಸಾಗಿದೆ’ ಎಂದು ಪ್ರತಿಕ್ರಿಯಿಸಿದವರು ಜಾಸನ್‌ ಬೆಹೆÅಂಡಾಫ್ì.

ಆದರೆ “ವೀಡಿಯೋ ಆಫ್ ದ ಡೇ’ ಎಂದು ಸುದ್ದಿಯಾದದ್ದು ಪ್ಯಾಟ್‌ ಕಮಿನ್ಸ್‌ ಅವರ ಸಂಭ್ರಮದ ಕ್ಷಣ. ಅವರು ಹಾಗೂ ಗರ್ಭಿಣಿ ಪತ್ನಿ ಬೇಕಿ ಬೋಸ್ಟನ್‌ ತಬ್ಬಿಕೊಂಡು ಆನಂದಬಾಷ್ಪ ಸುರಿಸುತ್ತಿದ್ದ ದೃಶ್ಯಾವಳಿ ಇದಾಗಿತ್ತು.