ಕ್ರಿಕೆಟ್‌ ಕೋಚ್‌ ರವಿಶಾಸ್ತ್ರಿ ಗುತ್ತಿಗೆ 45 ದಿನ ವಿಸ್ತರಣೆ

ಮುಂಬಯಿ: ಭಾರತ ಕ್ರಿಕೆಟ್‌ ತಂಡದ ತರಬೇತುದಾರ ರವಿಶಾಸ್ತ್ರಿಅವರ ಅವಧಿ ಈ ವಿಶ್ವಕಪ್‌ ಮುಗಿದ ಬೆನ್ನಲ್ಲೇ ಮುಗಿಯಲಿದೆ. ಆದರೆ ಬಿಸಿಸಿಐ ಆಡಳಿತಾಧಿಕಾರಿಗಳು ಅವರ ಗುತ್ತಿಗೆಯನ್ನು ವಿಶ್ವಕಪ್‌ ಅನಂತರ ಇನ್ನೂ 45 ದಿನಗಳ ಮಟ್ಟಿಗೆ ವಿಸ್ತರಿಸಿದ್ದಾರೆ.

ಜು. 14ಕ್ಕೆ ವಿಶ್ವಕಪ್‌ ಮುಗಿದ ಅನಂತರ ಟೀಮ್‌ ಇಂಡಿಯಾಕ್ಕೆ ಹೊಸ ತರಬೇತುದಾರನನ್ನು ಬಿಸಿಸಿಐ ಹುಡುಕಲಿದೆ. ಈ ಅವಧಿಯಲ್ಲಿ ರವಿಶಾಸ್ತ್ರಿ ಮತ್ತವರ ಸಹಾಯಕ ಸಿಬಂದಿ ಇರಲಿದ್ದಾರೆ. ಒಂದು ವೇಳೆ ಹೊಸತಾಗಿ ನಡೆಸುವ ಸಂದರ್ಶನದಲ್ಲಿ ರವಿಶಾಸ್ತ್ರಿಯೇ ತರಬೇತುದಾರರಾಗಿ ಆಯ್ಕೆಯಾದರೆ, ಇದುವರೆಗೆ ಅವರೊಂದಿಗೆ ಕಾರ್ಯಾಚರಿಸುತ್ತಿದ್ದ ಸಿಬಂದಿಯೇ ಮುಂದುವರಿಯಲಿದ್ದಾರೆ.