ಆಸೀಸ್‌ ಕ್ರಿಕೆಟ್‌ ಆಯ್ಕೆ ಸಮಿತಿಗೆ ಜಾರ್ಜ್‌ ಬೈಲಿ?

ಸಿಡ್ನಿ: ಆಸ್ಟ್ರೇಲಿಯ ಮಾಜಿ ಕ್ರಿಕೆಟಿಗ ಜಾರ್ಜ್‌ ಬೈಲಿ “ಕ್ರಿಕೆಟ್‌ ಆಸ್ಟ್ರೇಲಿಯ’ದ ರಾಷ್ಟ್ರೀಯ ಆಯ್ಕೆ ಸಮಿತಿ ಸೇರುವ ಸಾಧ್ಯತೆ ಇದೆ ಎಂದು “ಸಿಡ್ನಿ ಮಾರ್ನಿಂಗ್‌ ಹೆರಾಲ್ಡ್‌’ ಪತ್ರಿಕೆ ವರದಿ ಮಾಡಿದೆ.

ಸದ್ಯ ಜಾರ್ಜ್‌ ಬೈಲಿ ಬಿಗ್‌ ಬಾಶ್‌ ಕ್ರಿಕೆಟ್‌ ಕೂಟದಲ್ಲಿ “ಹೋಬರ್ಟ್‌ ಹರಿಕೇನ್ಸ್‌’ ತಂಡ ಪರ ಆಡುತ್ತಿದ್ದು, ಅವರು ಆಯ್ಕೆ ಸಮಿತಿ ಸೇರುತ್ತಿರುವುದಕ್ಕೆ ಟೀಕೆ ವ್ಯಕ್ತವಾಗಿದೆ ಎಂದು ವರದಿ ತಿಳಿಸಿದೆ.

ಜಾರ್ಜ್‌ ಬೈಲಿ 5 ಟೆಸ್ಟ್‌, 90 ಏಕದಿನ ಹಾಗೂ 30 ಟಿ20 ಪಂದ್ಯದಲ್ಲಿ ಆಸ್ಟ್ರೇಲಿಯವನ್ನು ಪ್ರತಿನಿಧಿಸಿದ್ದಾರೆ. ಇಷ್ಟು ಬೇಗ ಅವರು ಆಯ್ಕೆ ಸಮಿತಿ ಸೇರುವುದು ಅನುಮಾನ ಎಂಬ ಮಾತುಗಳೂ ಕೇಳಿಬಂದಿವೆ.