ರೈತನಿಗೆ ಪರಿಹಾರ ನೀಡದ ಎಸಿ ಕಚೇರಿ ಜಪ್ತಿ

ಬಾಗಲಕೋಟೆ: ಕುಡಚಿ-ಬಾಗಲಕೋಟೆ ರೈಲ್ವೆ ಮಾರ್ಗ ನಿರ್ಮಾಣಕ್ಕೆ ಸ್ವಾಧೀನಪಡಿಸಿಕೊಂಡ ಭೂಮಿಗೆ ಪರಿಹಾರ
ನೀಡದ ಹಿನ್ನೆಲೆಯಲ್ಲಿ ಕೋರ್ಟ್‌ ಆದೇಶದ ಮೇರೆಗೆ ಮಂಗಳವಾರ ಉಪವಿಭಾಗಾಧಿಕಾರಿ ಕಚೇರಿ ಪೀಠೊಪಕರಣಗಳನ್ನು ಜಪ್ತಿ ಮಾಡಲಾಯಿತು.

ಬಾಗಲಕೋಟೆ ಗ್ರಾಮದ ದುರ್ಗಪ್ಪ ಪರಿಯಪ್ಪ ಕಟ್ಟಿಮನಿ ಎಂಬ ರೈತನ 1 ಎಕರೆ 17 ಗುಂಟೆ ಭೂಮಿಯನ್ನು ರೈಲ್ವೆ
ಮಾರ್ಗ ನಿರ್ಮಾಣಕ್ಕೆ ಎಸಿ ಕಚೇರಿಯಿಂದ 2013ರಲ್ಲಿ ಸ್ವಾಧೀನಪಡಿಸಿಕೊಳ್ಳಲಾಗಿತ್ತು. ಆಗ 10.80 ಲಕ್ಷ
ಪರಿಹಾರವನ್ನು ಐತೀರ್ಪು ಅಡಿಯಲ್ಲಿ ನೀಡಲಾಗಿತ್ತು. ರೈತ ಹೆಚ್ಚಿನ ಪರಿಹಾರಕ್ಕಾಗಿ ಕೋರ್ಟ್‌ ಮೊರೆ ಹೋಗಿದ್ದರು.

ವಿಚಾರಣೆ ನಡೆಸಿದ ಕೋರ್ಟ್‌, ಪ್ರತಿ ಚದರ ಅಡಿಗೆ 275.50 ರೂ. ಪರಿಹಾರ ನಿಗದಿಪಡಿಸಿ, 3.54 ಕೋಟಿ ರೂ.ಜಮಾ ಮಾಡಲು ಆದೇಶಿಸಿತ್ತು. ಪರಿಹಾರಕ್ಕೆ ವಿಳಂಬ ಮಾಡಿದ ಹಿನ್ನೆಲೆಯಲ್ಲಿ ಕಚೇರಿಯ ಪೀಠೊಪಕರಣ ಜಪ್ತಿ ಮಾಡಲಾಗಿದೆ ಎಂದು ವಕೀಲರು ತಿಳಿಸಿದ್ದಾರೆ.