ಸೀಗೋಡು ರಸ್ತೆ ಮಧ್ಯದಲ್ಲಿ ಬಿರುಕು: ಜನರಲ್ಲಿ ಆತಂಕ

ಬಾಳೆಹೊನ್ನೂರು: ವಿರಾಜ್‌ ಪೇಟೆ-ಬೈಂದೂರು ರಾಜ್ಯ ಹೆದ್ದಾರಿಯ ಇಟ್ಟಿಗೆ ಸೀಗೋಡಿನ ಬಳಿ ರಸ್ತೆ ಮಧ್ಯದಲ್ಲಿ ಬಿರುಕು ಬಿಟ್ಟಿದ್ದು, ರಸ್ತೆ ಸಂಪರ್ಕ ಕಡಿತಗೊಳ್ಳುವ ಆತಂಕ ಎದುರಾಗಿದೆ.

ಖಾಸಗಿ ವ್ಯಕ್ತಿಯೋರ್ವರು ರಾತ್ರಿ ವೇಳೆ ಕೊಳವೆ ಬಾವಿ ಕೊರೆಸಿದ ನಂತರ ರಸ್ತೆಯಲ್ಲಿ ಬಿರುಕು ಕಣಿಸಿಕೊಂಡಿದೆ ಎನ್ನಲಾಗುತ್ತಿದೆ. ಈ ಬಗ್ಗೆ ಲೋಕೋಪಯೋಗಿ ಇಲಾಖೆ ಇಂಜಿನಿಯರ್‌ ದಾವುದ್‌ ಅವರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದರು. ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಶಿಥಿಲಗೊಂಡ ಮೋರಿಯನ್ನು ತೆರವುಗೊಳಿಸಿ ಹ್ಯೂಮ್‌ ಪೈಪ್‌ ಅಳವಡಿಸಿ ಕಾಮಗಾರಿ ಮಾಡಿಸಲಾಗುವುದೆಂದು ತಿಳಿಸಿದರು