ಕೊಟ್ಟಿಗೆಹಾರ: ರಸ್ತೆ ಬದಿಯಲ್ಲಿ ದನದ ಕಾಲುಗಳು ಪತ್ತೆ

ಕೊಟ್ಟಿಗೆಹಾರ: ಮಲೆನಾಡಲ್ಲಿ ಇನ್ನೂ ದನಗಳ್ಳರ ದಂಧೆ ನಿಂತಿಲ್ಲ ಎಂಬುದಕ್ಕೆ ಸಾಕ್ಷಿ ಎಂಬಂತೆ ಮೂಡಿಗೆರೆ ತಾಲೂಕಿನ ಚಕ್ಕಮಕ್ಕಿ ಗ್ರಾಮದ ರಸ್ತೆ ಬದಿಯಲ್ಲಿ ದನದ ಕಾಲುಗಳು ಪತ್ತೆಯಾಗಿದೆ.

ರಾಷ್ಟ್ರೀಯ ಹೆದ್ದಾರಿ 173ರಲ್ಲಿ ರಸ್ತೆ ಬದಿಯಲ್ಲಿ ಪ್ಲಾಸ್ಟಿಕ್ ಕವರ್ ನಲ್ಲಿ ದನದ ಕಾಲುಗಳನ್ನು ತುಂಬಿ ಬಿಸಾಡಿದ್ದು, ರಸ್ತೆಯಲ್ಲಿರೋ ಬಿಡಾಡಿ ದನಗಳನ್ನು ಕಡಿದು ಸಾಗಿಸಿರೋ ಶಂಕೆ ಸ್ಥಳಿಯರಲ್ಲಿ ವ್ಯಕ್ತವಾಗಿದೆ.

ಈ ಘಟನೆ ಹಿನ್ನೆಲೆ ರೈತರು ದನಗಳನ್ನ ಸಾಕುವುದೇ ಕಷ್ಟವಾಗಿದ್ದು, ದನಗಳ್ಳರ ಹಾವಳಿಗೆ ಸಂಪೂರ್ಣ ಬ್ರೇಕ್ ಹಾಕುವಂತೆ ಸ್ಥಳಿಯರ ಒತ್ತಾಯಿಸಿದ್ದಾರೆ. ಚಿಕ್ಕಮಗಳೂರು ಜಿಲ್ಲೆ ಮೂಡಿಗೆರೆ ತಾಲೂಕಿನ ಬಣಕಲ್ ಠಾಣಾ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದೆ.