ಪ್ಲಾಸ್ಮಾ ನೀಡಲು ಮುಂದಾದ ತಾಯಿ ಮತ್ತು ಮಗಳು

ಕೋವಿಡ್ 19 ವೈರಸ್ ನಿಂದ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿರುವ 45 ವರ್ಷ ವಯಸ್ಸಿನ ಮಹಿಳೆ ಮತ್ತವಳ 22 ವರ್ಷದ ಮಗಳು, ಕೋವಿಡ್ 19 ವೈರಸ್ ಪೀಡಿತರ ಚಿಕಿತ್ಸೆಗೆ ಪ್ಲಾಸ್ಮಾ ನೀಡಲು ಸ್ವಯಂ ಪ್ರೇರಿತರಾಗಿ ಮುಂದೆ ಬಂದಿದ್ದಾರೆ.

ಮಾ.20ರಂದು ಇವರಿಬ್ಬರಿಗೂ ಕೋವಿಡ್ 19 ವೈರಸ್ ಇರುವುದು ದೃಢಪಟ್ಟಿತ್ತು. ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗಿದ್ದು, ಇಬ್ಬರೂ ಗುಣಮುಖರಾಗಿ ಆಸ್ಪತ್ರೆಯಿಂದ ಈಗ ಬಿಡುಗಡೆಯಾಗಿದ್ದಾರೆ.

ಹೀಗಾಗಿ ಪ್ಲಾಸ್ಮಾ ನೀಡಲು ತಾಯಿ-ಮಗಳು ಇಬ್ಬರೂ ಸ್ವಯಂಪ್ರೇರಿತರಾಗಿ ಮುಂದೆ ಬಂದಿದ್ದಾರೆ ಎಂದು ಜಬಲ್ಪುರ ಜಿಲ್ಲಾಧಿಕಾರಿ ಭರತ್‌ ಯಾದವ್‌ ತಿಳಿಸಿದ್ದಾರೆ.