ಮೂವರಲ್ಲಿ ಸೋಂಕು-8 ಜನ ಡಿಸಾcರ್ಜ್‌

ದಾವಣಗೆರೆ: ಜಿಲ್ಲಾ ಕೋವಿಡ್‌ ಆಸ್ಪತ್ರೆಯ “ಡಿ’ ದರ್ಜೆ ನೌಕರರಾಗಿ ಕೆಲಸ ಮಾಡುತ್ತಿದ್ದ ಮಹಿಳೆ ಒಳಗೊಂಡಂತೆ ಮತ್ತೆ ಮೂವರಲ್ಲಿ ಬುಧವಾರ ಕೋವಿಡ್ ಸೋಂಕು ದೃಢಪಟ್ಟಿದೆ. 93 ಜನರ ಗಂಟಲು ದ್ರವ ಮಾದರಿ ವರದಿ ನೆಗೆಟಿವ್‌ ಆಗಿದೆ.

ಜಿಲ್ಲಾ ಕೋವಿಡ್‌ ಆಸ್ಪತ್ರೆಯ “ಡಿ’ ದರ್ಜೆನೌಕರರಾಗಿ ಕೆಲಸ ಮಾಡುತ್ತಿದ್ದ 40 ವರ್ಷದ ಮಹಿಳೆ(ರೋಗಿ ನಂಬರ್‌ 6041)ಗೆ ಕಾಣಿಸಿಕೊಂಡಿರುವ ಸೋಂಕಿನ ಮೂಲವನ್ನು ಪತ್ತೆ ಹಚ್ಚಲಾಗುತ್ತಿದೆ. ಮಹಾರಾಷ್ಟ್ರ ದಿಂದ ವಾಪಸಾಗಿರುವ ಯುವತಿಗೆ(ರೋಗಿ ನಂಬರ್‌6039) ಸೋಂಕು ವಕ್ಕರಿಸಿದೆ. ರೋಗಿ ನಂಬರ್‌ 1485ರ ಸಂಪರ್ಕದಿಂದ 39ವರ್ಷದ ವ್ಯಕ್ತಿಗೆ(6040) ಸೋಂಕು ತಗುಲಿದೆ. ಬುಧವಾರ 9 ಜನರು ಒಳಗೊಂಡಂತೆ 938 ಜನರು ಅವಲೋಕನದಲ್ಲಿದ್ದಾರೆ. 9

ಜನರು ಸೇರಿ ಒಟ್ಟಾರೆ 642 ಜನರು ಹೋಂ ಕ್ವಾರಂಟೈನ್‌, 116 ಜನರು ಸಾಂಸ್ಥಿಕ ಕ್ವಾರಂಟೈನ್‌ನಲ್ಲಿದ್ದಾರೆ. ನಿನ್ನೆ 9 ಜನರನ್ನು ಆಸ್ಪತ್ರೆಗೆ ಸೇರಿಸಲಾಗಿದೆ. ಒಟ್ಟು 658 ಜನರು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಗುರುವಾರ 277 ಜನರ ಗಂಟಲ ದ್ರವ ಮಾದರಿ ಸಂಗ್ರಹಿಸಲಾಗಿದೆ. ಕೋವಿಡ್ ಸಂಬಂಧಿತ ಪರೀಕ್ಷೆಗೆ ಕಳಿಸಲಾಗಿದ್ದ 11,397 ಗಂಟಲು ದ್ರವ ಮಾದರಿಗಳಲ್ಲಿ 10,433 ಮಾದರಿಗಳ ವರದಿ ನೆಗೆಟಿವ್‌ ಆಗಿದೆ. ಇನ್ನೂ 754 ಮಾದರಿಗಳ ವರದಿ ಬರಬೇಕಾಗಿದೆ. ಕೋವಿಡ್ ದಿಂದ ಗುಣಮುಖರಾದ ರೋಗಿ ನಂಬರ್‌ 4083,4084,4087, 4088, 4090,4019, 4092, 3977 ಬುಧವಾರ ಜಿಲ್ಲಾ ಕೋವಿಡ್‌ ಆಸ್ಪತ್ರೆಯಿಂದ ಡಿಸ್ಚಾರ್ಜ್‌ ಆಗಿದ್ದಾರೆ. ಜಿಲ್ಲೆಯಲ್ಲಿ ಒಟ್ಟು 214 ಪ್ರಕರಣಗಳಲ್ಲಿ ಈವರೆಗೆ 145 ಸೋಂಕಿತರು ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ.ಆರು ಜನರು ಮೃತಪಟ್ಟಿದ್ದರೆ, 43 ಸಕ್ರಿಯ ಪ್ರಕರಣಗಳಿವೆ.