ಯೋಧನಿಗೆ ಕೋವಿಡ್; ಅಣ್ಣಿಗೇರಿಯಲ್ಲಿ ಆತಂಕ

ಅಣ್ಣಿಗೇರಿ: ದೆಹಲಿಯಿಂದ ಆಗಮಿಸಿದ ಇಲ್ಲಿನ ಹಳೇ ಅಮೃತೇಶ್ವರ ನಗರದ ಯೋಧನಿಗೆ ಕೋವಿಡ್ ದೃಢಪಟ್ಟ ಹಿನ್ನೆಲೆಯಲ್ಲಿ ಪಟ್ಟಣ ಮತ್ತು ಸುತ್ತಮುತ್ತಲಿನ ಗ್ರಾಮಗಳಲ್ಲಿ ಆತಂಕ ಹೆಚ್ಚಿಸಿದೆ.

ಮುಂಜಾಗ್ರತಾ ಕ್ರಮವಾಗಿ ಪುರಸಭೆಯವರು ನಗರದಲ್ಲಿ ಕ್ರಿಮಿನಾಶಕ ಔಷಧ ಸಿಂಪಿಡಿಸಿದ್ದಾರೆ. ಪೊಲೀಸ್‌ ಠಾಣೆಯಿಂದ ಮುಂಜಾಗ್ರತವಾಗಿ ಸೂಕ್ತ ಬಂದೋಬಸ್ತ್ ಮಾಡಿದ್ದಾರೆ. ತಾಲೂಕು ದಂಡಾ ಧಿಕಾರಿ ಕೊಟ್ರೇಶ್ವರ ಗಾಳಿ ಹಳೆ ಅಮೃತೇಶ್ವರ ನಗರಕ್ಕೆ ಭೇಟಿ ನೀಡಿ ವಿಚಾರಣೆ ನಡೆಸಿ ಸಂಪೂರ್ಣ ಪರಿಶೀಲಿಸಿದ್ದಾರೆ.

ಸಿ.ಜಿ.ಮಠಪತಿ, ಎಲ್‌.ಕೆ.ಜೂಲಕಟ್ಟಿ, ಡಾ|ಅಶೋಕ ಅಗರವಾಲ್‌,ಮುಖ್ಯಾಧಿಕಾರಿ ಕೆ.ಎಫ್‌. ಕಟಗಿ, ರಿಷಿಕುಮಾರ ಸಾರಂಗಿ ಸೇರಿದಂತೆ ವಿವಿಧ ಇಲಾಖೆ ಸಿಬ್ಬಂದಿ ಇದ್ದರು.