ಸ್ಕಾಟ್ಲೆಂಡ್‌ ಫ‌ುಟ್‌ಬಾಲ್‌ ದಂತಕಥೆಗೆ ಕೋವಿಡ್-19 ಸೋಂಕು

ಲಂಡನ್‌: ಖ್ಯಾತ ಫ‌ುಟ್‌ಬಾಲ್‌ ಆಟಗಾರ, ಲಿವರ್‌ಪೂಲ್‌ ಕ್ಲಬ್‌ ತಂಡದ ದಂತಕಥೆ ಕೆನ್ನಿ ಡಾಲ್ಗ್ಲಿಷ್ ಕೋವಿಡ್-19 ಸೋಂಕಿತರಾಗಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ.

69 ವರ್ಷದ ಸ್ಕಾಟ್ಲೆಂಡ್‌ ಆಟಗಾರ ಕೆನ್ನಿಗೆ  ಕೋವಿಡ್-19 ಸೋಂಕಿನ ಯಾವುದೇ ಲಕ್ಷಣಗಳು ಕಂಡು ಬಂದಿರಲಿಲ್ಲ. ದೈನಂದಿನ ಪರೀಕ್ಷೆಗೆಂದು ಆಸ್ಪತ್ರೆಗೆ ಹೋಗಿ ತಪಾಸಣೆ ನಡೆಸಿದಾಗ ಅವರಲ್ಲಿ ಕೋವಿಡ್-19 ಸೋಂಕಿರುವುದು ದೃಢಪಟ್ಟಿದೆ.

ಈ ವಿಷಯ ತಿಳಿಯುತ್ತಿದ್ದಂತೆ ಅಭಿಮಾನಿಗಳು ತೀವ್ರ ಆತಂಕಕ್ಕೆ ಒಳಗಾಗಿದ್ದಾರೆ. ಸ್ಕಾಟ್ಲೆಂಡ್‌ ತಂಡದ ಪರ ವೃತ್ತಿ ಜೀವನದಲ್ಲಿ 102 ಅಂತಾರಾಷ್ಟ್ರೀಯ ಪಂದ್ಯವನ್ನಾಡಿದ್ದ ಸ್ಟ್ರೈಕರ್‌ 30 ಗೋಲು ಬಾರಿಸಿದ್ದರು.