ಕೋವಿಡ್ ಸೋಂಕು ಹೆಚ್ಚಳ: ಚೀನಾ ಮಾಹಿತಿ ಕೊರತೆಯೇ ಸಮಸ್ಯೆ!

ಬೀಜಿಂಗ್‌: ತನ್ನ ದೇಶದಲ್ಲಿ ಕೊರೊನಾ ಸೋಂಕು ಸ್ಫೋಟಗೊಂಡಿದ್ದರೂ, ಸೋಂಕಿತರ ಪ್ರಮಾಣವೆಷ್ಟು, ಸಾವಿಗೀಡಾಗುತ್ತಿರುವವರ ಸಂಖ್ಯೆಯೆಷ್ಟು ಎಂಬುದನ್ನು ಚೀನಾ ಮುಚ್ಚಿಟ್ಟಿರುವುದು ಜಾಗತಿಕವಾಗಿ ಆತಂಕಕ್ಕೆ ಕಾರಣವಾಗಿದೆ.

ಚೀನಾ ಸರ್ಕಾರವು ಜಗತ್ತಿನ ಇತರೆ ದೇಶಗಳಿಗೆ ಯಾವ ಸ್ಪಷ್ಟ ಮಾಹಿತಿಯನ್ನೂ ನೀಡುತ್ತಿಲ್ಲ. ಹೀಗಾಗಿ, ಆ ದೇಶದಲ್ಲಿ ಹೊಸ ರೂಪಾಂತರಿಗಳು ಹುಟ್ಟಿದರೂ ಯಾರಿಗೂ ಗೊತ್ತಾಗುವುದಿಲ್ಲ.

ಇದು ಜಗತ್ತಿನಾದ್ಯಂತ ಎಲ್ಲ ದೇಶಗಳಿಗೂ ದೊಡ್ಡ ಸವಾಲಾಗಿದೆ. ಹೀಗಾಗಿಯೇ, ಅಮೆರಿಕ, ಜಪಾನ್‌, ಭಾರತ ಸೇರಿದಂತೆ ಅನೇಕ ದೇಶಗಳು ಚೀನಾದಿಂದ ಆಗಮಿಸುವ ಪ್ರಯಾಣಿಕರಿಗೆ ಕೊರೊನಾ ಪರೀಕ್ಷೆಯನ್ನು ಕಡ್ಡಾಯಗೊಳಿಸಿವೆ.