ಇಂದಿನಿಂದ ಜನ್‌ಧನ್‌ ಯೋಜನೆ ಫ‌ಲಾನುಭವಿಗಳ ಖಾತೆಗೆ 500 ರೂ. ಜಮಾ

ಲಾಕ್‌ ಡೌನ್‌ ಹಿನ್ನೆಲೆಯಲ್ಲಿ ಬಡವರ ಕಷ್ಟ ಸಾಕಾರಗೊಳಿಸಲು ಪ್ರಧಾನ ಮಂತ್ರಿ ಗರಿಬ್‌ ಕಲ್ಯಾಣ್‌ ಪ್ಯಾಕೇಜ್‌ ಘೋಷಿಸಿದಂತೆಯೇ, ಇಂದಿನಿಂದ ಜನ್‌ಧನ್‌ ಯೋಜನೆ ಫ‌ಲಾನುಭವಿಗಳ ಖಾತೆಗೆ 500 ರೂ. ಜಮಾ ಮಾಡಲಾಗುತ್ತದೆ. ಮೊದಲ ಕಂತು ಇಂದಿನಿಂದ ಆರಂಭವಾಗಲಿದ್ದು, ಮಹಿಳಾ ಜನ್‌ಧನ್‌ ಯೋಜನೆ ಫ‌ಲಾನುಭವಿಗಳ ಖಾತೆಯಲ್ಲಿ 500 ರುಪಾಯಿ ಜಮಾ ಆಗಲಿದೆ.

ಇನ್ನು, ಸಾಮಾಜಿಕ ಅಂತರ ಕಾಪಾಡಿಕೊಳ್ಳಲು ಹಾಗೂ ಕ್ರಮಬದ್ಧವಾಗಿ ಹಣವನ್ನು ಹಿಂಪಡೆಯುವುದನ್ನು ಖಚಿತಪಡಿಸಿಕೊಳ್ಳಲು ಬ್ಯಾಂಕ್‌ಗಳು ಈ ಹಣವನ್ನು ಈ ತಿಂಗಳವರೆಗೆ ವಿತರಿಸುವ ವೇಳಾಪಟ್ಟಿಯನ್ನೂ ಅನುಸರಿಸುತ್ತಿವೆ. ಶಾಖೆಗಳಲ್ಲಿ ಜನಸಂದಣಿ ತಪ್ಪಿಸಲು ನೆರೆಹೊರೆಯ ಎಟಿಎಂಗಳನ್ನು, ರುಪೇ ಕಾರ್ಡ್‌ಗಳು, ಬ್ಯಾಂಕ್‌ ಮಿತ್ರಸ್‌, ಸಿಎಸ್‌ಪಿಗಳನ್ನು ಫ‌ಲಾನುಭವಿಗಳು ಬಳಸಬಹುದು.