ನಿಗಾದಲ್ಲಿ ಇರುವ ಕೊರೊನಾ ವೈರಸ್‌ ಶಂಕಿತರಿಗೆ ಠಸ್ಸೆ ಗುರುತು

ಮಹಾರಾಷ್ಟ್ರದಲ್ಲಿ ಮನೆಗಳಲ್ಲೇ ನಿಗಾದಲ್ಲಿರುವ ಕೊರೊನಾ ವೈರಸ್‌ ಶಂಕಿತರ ಗುರುತಿಗಾಗಿ ಅವರ ಎಡಗೈ ಮೇಲೆ ಠಸ್ಸೆ ಒತ್ತುವ ವ್ಯವಸ್ಥೆ ಜಾರಿಗೊಳಿ ಸುವುದಾಗಿ ರಾಜ್ಯ ಸರಕಾರ ತಿಳಿಸಿದೆ. 39 ಸೋಂಕಿತರು: ಮುಂಬಯಿ ಮತ್ತು ನವಿ ಮುಂಬಯಿನಲ್ಲಿ ಸೋಮವಾರ ಮತ್ತೆ ಐದು ಪ್ರಕರಣಗಳು ಪತ್ತೆಯಾಗಿದ್ದು, ಸೋಂಕಿತರ ಸಂಖ್ಯೆ 39ಕ್ಕೇರಿದೆ. ದೇಶದಲ್ಲೇ ಅತಿ ಹೆಚ್ಚು ಸೋಂಕಿತರಿರುವ ರಾಜ್ಯ ಇದಾಗಿದೆ.

ಶಂಕಿತೆ ವಶಕ್ಕೆ: ಮಧ್ಯಪ್ರದೇಶದ ಮೆಹೌ ಆಸ್ಪತ್ರೆಯಲ್ಲಿ ಕೊರೊನಾ ತಪಾಸಣೆಯಲ್ಲಿ ಇದ್ದಾಗಲೇ ಆಸ್ಪತ್ರೆಯಿಂದ ತಪ್ಪಿಸಿಕೊಂಡಿದ್ದ 26 ವರ್ಷದ ಮಹಿಳೆಯನ್ನು ಪತ್ತೆಹಚ್ಚಿ ಬಂಧಿಸುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ.