ಕೋವಿಡ್-19: ದೇಶದ ಬಾಧಿತರ ಸಂಖ್ಯೆ 6 ಲಕ್ಷಕ್ಕೆ

ಹೊಸದಿಲ್ಲಿ: ದೇಶದಲ್ಲಿ ಕೋವಿಡ್-19 ಬಾಧಿತರ ಸಂಖ್ಯೆ 6 ಲಕ್ಷ ದಾಟಿದೆ. ಜೂ. 26ರಂದು 5 ಲಕ್ಷ ದಾಟಿದ್ದ ಸಂಖ್ಯೆ ಜು. 1ರ ವೇಳೆಗೆ 6 ಲಕ್ಷಕ್ಕೇರಿದೆ. ಸಾವಿನ ಸಂಖ್ಯೆ 17,786ಕ್ಕೆ ತಲುಪಿದೆ. ಚೇತರಿಸಿಕೊಂಡವರ ಸಂಖ್ಯೆಯೂ 3,58,453ಕ್ಕೆ ಮುಟ್ಟಿದೆ.

ಜೂ. 26ರಂದು 18,255, ಜೂ. 27ರಂದು 20,142, ಜೂ. 28ರಂದು 19,610, ಜೂ. 29ರಂದು 18,339, ಜೂ. 30ರಂದು 18,256 ಹಾಗೂ ಜು. 1ರಂದು 16,160 ಏರಿಕೆಯಾಗಿದೆ. ಈ ಮೂಲಕ ಆರು ದಿನಗಳಲ್ಲೇ ಸೋಂಕಿತರ ಸಂಖ್ಯೆ ಒಂದು ಲಕ್ಷ ದಾಟಿದೆ.

ಬುಧವಾರ ಮಹಾರಾಷ್ಟ್ರದಲ್ಲೇ 5,537 ಪ್ರಕರಣ ದೃಢಪಟ್ಟಿವೆ. ತಮಿಳು ನಾಡಿನಲ್ಲೂ 3,882 ಪ್ರಕರಣ ದಾಖ ಲಾಗಿದ್ದು, ಇಲ್ಲಿನ ಸಂಖ್ಯೆ 94,049ಕ್ಕೆ ತಲುಪಿದೆ. ದಿಲ್ಲಿಯೂ 90 ಸಾವಿರದ ಸನಿಹದಲ್ಲಿದೆ.