ಕೋವಿಡ್ 19 ವೈರಸ್: ದಿನಂಪ್ರತಿ 12,000 ಪಿಪಿಇ ಕಿಟ್ಸ್ ಉತ್ಪಾದಿಸಲಾಗುತ್ತಿದೆ: ಮಧ್ಯಪ್ರದೇಶ

ಭೋಪಾಲ್:ಕೋವಿಡ್ 19 ವೈರಸ್ ವಿರುದ್ಧ ಹೋರಾಡುವ ವೈದ್ಯರು ಮತ್ತು ಆರೋಗ್ಯ ಸಿಬ್ಬಂದಿಗಳು ಧರಿಸುವ ಪಿಪಿಇ(ವೈಯಕ್ತಿಕ ಸುರಕ್ಷಾ ಸಾಧನಾ) ಅನ್ನು ಮಧ್ಯಪ್ರದೇಶ ದಿನಂಪ್ರತಿ 12 ಸಾವಿರ ಪಿಪಿಇಗಳನ್ನು ಉತ್ಪಾದಿಸುತ್ತಿದೆ. ಪ್ರತಿದಿನ 10ಸಾವಿರ ಕಿಟ್ಸ್ ಗಳಿಗೆ ಬೇಡಿಕೆ ಇದ್ದಿರುವುದಾಗಿ ಅಧಿಕಾರಿಗಳು ತಿಳಿಸಿದ್ದಾರೆ.

ಕೋವಿಡ್ 19 ವೈರಸ್ ಹರಡಲು ಆರಂಭವಾದ ನಂತರ ರಾಜ್ಯದಲ್ಲಿ ಸುಮಾರು 1.5 ಲಕ್ಷ ಪಿಪಿಇ ಕಿಟ್ಸ್ ಗಳನ್ನು ಉತ್ಪಾದಿಸುತ್ತಿದ್ದು, ಇದರಲ್ಲಿ 75 ಸಾವಿರ ಕಿಟ್ಸ್ ಅನ್ನು ಇಂದೋರ್ ಹಾಗೂ ಭೋಪಾಲ್ ಗೆ 75 ಸಾವಿರ ಕಳುಹಿಸಲಾಗಿದೆ ಎಂದು ರಾಜ್ಯ ಕೈಗಾರಿಕಾಭಿವೃದ್ದಿ ಕೇಂದ್ರದ ಆಡಳಿತ ನಿರ್ದೇಶಕ ಕುಮಾರ್ ಪುರುಷೋತ್ತಮ್ ತಿಳಿಸಿದ್ದಾರೆ.

ಮಧ್ಯಪ್ರದೇಶಕ್ಕೆ ದಿನಂಪ್ರತಿ 10 ಸಾವಿರ ಪಿಪಿಇ ಕಿಟ್ಸ್ ಗಳ ಅಗತ್ಯವಿದೆ. ಆದರೆ ರಾಜ್ಯದಲ್ಲಿ ಪ್ರತಿದಿನ 12 ಸಾವಿರ ಕಿಟ್ಸ್ ಗಳನ್ನು ಉತ್ಪಾದಿಸಲಾಗುತ್ತಿದೆ ಎಂದು ಪ್ರಕಟಣೆಯಲ್ಲಿ ವಿವರಿಸಿದ್ದಾರೆ. ಕೋವಿಡ್ 19 ವಾರಿಯರ್ಸ್ ಗಾಗಿ ನಮ್ಮಲ್ಲಿ ಹೆಚ್ಚುವರಿ ಪಿಪಿಇ ಕಿಟ್ಸ್ ಗಳು ಇದ್ದಿರುವುದಾಗಿ ತಿಳಿಸಿದ್ದಾರೆ.

ಭೋಪಾಲ್ ಮತ್ತು ಇಂದೋರ್ ನಲ್ಲಿ ನಲ್ಲಿ 40ಸಾವಿರ ಪಿಪಿಇ ಕಿಟ್ಸ್ ಗಳು ಲಭ್ಯವಿದೆ. ಇದನ್ನು ಬೇಡಿಕೆಗೆ ಅನುಗುಣವಾಗಿ ಬೇರೆ, ಬೇರೆ ಜಿಲ್ಲೆಗಳಿಗೆ ಸರಬರಾಜು ಮಾಡಲಾಗುತ್ತಿದೆ ಎಂದು ವರದಿ ಹೇಳಿದೆ.