ಕಾಶ್ಮೀರ ಪತ್ಯೇಕತಾವಾದಿ ಶಬ್ಬೀರ್‌ ಶಾ ಜಾಮೀನು ಅರ್ಜಿ ತಿರಸ್ಕೃತ

ಹೊಸದಿಲ್ಲಿ : ಉಗ್ರರಿಗೆ ಹಣ ಪೂರೈಸುವ ಸಂಬಂಧ 2007ರಲ್ಲಿ ನಡೆಸಿದ ಅಕ್ರಮ ಹಣ ವರ್ಗಾವಣೆ ಪ್ರಕರಣದಲ್ಲಿ ಬಂಧಿತನಾಗಿರುವ ಕಾಶ್ಮೀರಿ ಪ್ರತ್ಯೇಕತಾ ನಾಯಕ ಶಬ್ಬೀರ್‌ ಶಾ ಸಲ್ಲಿಸಿರುವ ಜಾಮೀನು ಬಿಡುಗಡೆ ಅರ್ಜಿಯನ್ನು  ದಿಲ್ಲಿ ನ್ಯಾಯಾಲಯ ಇಂದು ಬುಧವಾರ ತಿರಸ್ಕರಿಸಿದೆ. 

ಕಳೆದ ವರ್ಷ ಆಗಸ್ಟ್‌ ನಲ್ಲಿ ಈ ಪ್ರಕರಣದ ತನಿಖೆ ನಡೆಯುತ್ತಿರುವ ಕಾರಣ ಶಬ್ಬೀರ್‌ ಶಾ ನ ಜಾಮೀನು ಕೋರಿಕೆ ಅರ್ಜಿಯನ್ನು ಕೋರ್ಟ್‌ ತಿರಸ್ಕರಿಸಿತ್ತು.

ಈಗ ಹೆಚ್ಚುವರಿ ಸೆಶನ್ಸ್‌ ನ್ಯಾಯಾಧೀಶ ಸಿದ್ಧಾರ್ಥ ಶರ್ಮಾ ಅವರು ಶಬ್ಬೀರ್‌ ಶಾ ಜಾಮೀನು ಅರ್ಜಿಯನ್ನು ಅದೇ ಕಾರಣಕ್ಕೆ ತಿರಸ್ಕರಿಸಿದರು.