ಮೂಡಿಗೆರೆ: ಪ್ರೇಮಿಗಳ ದಿನದಂದು ಸಾರ್ವಜನಿಕ ಚುಂಬನ : ಜೋಡಿಗೆ ತರಾಟೆ

ಮೂಡಿಗೆರೆ: ಇಲ್ಲಿನ ಮುದ್ರೆಮನೆ ಬಳಿ ಪ್ರೇಮಿಗಳ ದಿನವಾದ ಸೋಮವಾರ ಯುವ ಜೋಡಿಯೊಂದು ಹಾಡ ಹಗಲೇ ಚುಂಬಿಸಿಕೊಂಡು ಸಾರ್ವಜನಿಕರ ಆಕ್ರೋಶಕ್ಕೆ ಗುರಿಯಾಗಿದೆ.

ಬಸ್ ಸ್ಟಾಪ್ ನಲ್ಲಿ ಕುಳಿತು ಯುವಕ ಮತ್ತು ಯುವತಿ ಲವ್ವಿ ಡವ್ವಿ ನಡೆಸುತ್ತಾ, ಚುಂಬಿಸುತ್ತಿದ್ದರು. ಈ ವಿಡಿಯೋವನ್ನು ಸ್ಥಳೀಯರು ಸೆರೆ ಹಿಡಿದಿದ್ದು, ವೈರಲ್ ಆಗಿದೆ.

ಅಸಭ್ಯ ವರ್ತನೆಗೆ ಸ್ಥಳೀಯರು ಆಕ್ರೋಶ ವ್ಯಕ್ತಪಡಿಸಿದ್ದು, ಇಬ್ಬರನ್ನೂ ಸ್ಥಳದಲ್ಲೇ ತರಾಟೆಗೆ ತೆಗೆದುಕೊಂಡಿದ್ದಾರೆ. ಸಾರ್ವಜನಿಕರ ಆಕ್ರೋಶ ವ್ಯಕ್ತವಾದ ಬಳಿಕ ಜೋಡಿ ಸ್ಥಳದಿಂದ ತೆರಳಿದೆ ಎನ್ನಲಾಗಿದೆ.