Mumbai: ಡ್ರಗ್ಸ್‌ಗಾಗಿ ಮಕ್ಕಳ ಮಾರಿದ ದಂಪತಿ!

ಮುಂಬೈ: ಮಾದಕವಸ್ತು ಖರೀದಿಸುವುದಕ್ಕಾಗಿ ತಿಂಗಳ ಹಸುಗೂಸು ಹಾಗೂ 2 ವರ್ಷದ ಮಗನನ್ನು ಮಾರಾಟ ಮಾಡಿರುವ ದಂಪತಿ ಸೇರಿ ಮೂವರನ್ನು ಮುಂಬೈ ಪೊಲೀಸರು ಬಂಧಿಸಿದ್ದಾರೆ. 1 ತಿಂಗಳ ಮಗುವನ್ನು ರಕ್ಷಿಸಲಾಗಿದ್ದು, ಮಾರಾಟವಾದ ಮತ್ತೂಂದು ಮಗುವಿಗಾಗಿ ಶೋಧ ಕಾರ್ಯ ನಡೆಸಲಾಗುತ್ತಿದೆ.

ಮುಂಬೈ ಕ್ರೈಂಬ್ರ್ಯಾಂಚ್‌ ಮಾಹಿತಿಯ ಪ್ರಕಾರ, ಅಂಧೇರಿ ನಿವಾಸಿಗಳಾದ ಶಬೀರ್‌ ಹಾಗೂ ಸಾನಿಯಾ ಖಾನ್‌ ಎಂಬ ದಂಪತಿ ಮಾದಕವ್ಯಸನಿಗಳಾಗಿದ್ದರು. ಮಾದಕವಸ್ತು ಖರೀದಿಸುವುದಕ್ಕಾಗಿ ಶಕೀಲ್‌ ಮಕ್ರಾನಿ ಎಂಬವನ ಜತೆ ಸೇರಿ 2 ವರ್ಷದ ಗಂಡು ಮಗುವನ್ನು 60 ಸಾವಿರ ರೂ.ಗೆ, 1 ತಿಂಗಳ ಹೆಣ್ಣು ಮಗುವನ್ನು 14,000 ರೂ.ಗೆ ಮಾರಾಟ ಮಾಡಿದ್ದಾರೆ. ಕುಟುಂಬಸ್ಥರಿಗೆ ವಿಚಾರ ತಿಳಿಯುತ್ತಿದ್ದಂತೆ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಪ್ರಕರಣ ಬೆಳಕಿಗೆ ಬಂದಿದೆ.