ದಿಲ್ಲಿಯಲ್ಲಿ ಮನೆ ಕುಸಿತ: ಪತಿ, ಪತ್ನಿ ಸಾವು, 3 ಮಕ್ಕಳಿಗೆ ಗಾಯ

ಹೊಸದಿಲ್ಲಿ : ದಿಲ್ಲಿಯ ದ್ವಾರಕಾ ಪ್ರದೇಶದಲ್ಲಿನ ಮನೆಯೊಂದರ ಸೂರು ಕುಸಿದ ದುರಂತದಲ್ಲಿ ದಂಪತಿ ಮೃತಪಟ್ಟಿದ್ದು ಅವರ ಮೂವರು ಮಕ್ಕಳು ಗಾಯಗೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಮೃತ ದಂಪತಿಯನ್ನು ಸುನೀಲ್‌ (50), ಪತ್ನಿ ರಚನಾ (50) ಎಂದು ಗುರುತಿಸಲಾಗಿದೆ. ಇವರ ಮಕ್ಕಳಾದ ವೈಭವ್‌ 19, ಗುಲ್‌ಶನ್‌ 16, ಮತ್ತು ಗುಂಗುನ್‌ (9) ಗಾಯಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದಾರೆ.  

ದ್ವಾರಕಾದ ಹರಿ ವಿಹಾರ ಪ್ರದೇಶದಲ್ಲಿ ಈ ಕುಟುಂಬ ವಾಸವಾಗಿದ್ದ ಮನೆಯು ಸೋರುತ್ತಿತ್ತು ಮತ್ತು ದುರ್ಬಲವಾಗಿತು. ಇಂದು ನಸುಕಿನ ವೇಳೆ ಮನೆ ಮಂದಿ ಮಲಗಿಕೊಂಡಿದ್ದ ಕೋಣೆಯ ಸೂರು ಕುಸಿದು ಬಿತ್ತು ಎಂದು ಪೊಲೀಸರು ತಿಳಿಸಿದ್ದಾರೆ.